Л.Энх-Амгалан: Сурагчдыг гэрийн даалгавраар шахаж байгаа нь үнэн, үүнийг өөрчилнө

 Сурагчдыг гэрийн даалгавраар шахаж байгааг эцэг эхчүүд шүүмжлэх болсон. Энэ талаар БШУ-ны сайд Л.Энх-Амгалангаас тодруулахад тэрбээр "Өнгөрсөн хавар Болосролын хүрээлэнгээс нийт 1-12 дугаар ангийн хөтөлбөр, сурах бичгүүдэд үнэлгээ хийсэн. Энэ үнэлгээгээр бусад оронтой харьцуулахад манай улсын хөтөлбөрийн агуулга хүнд, хичээлүүдийн тоо нь их байна гэсэн ийм дүгнэлт гарсан. Үүн дээр үндэслээд бид агуулгаа эргэж харах, ялангуяа бага ангийн сурагчдын ачааллыг бууруулах хамгийн зөв арга нь хичээл хоорондын сургалтын агуулгын интеграцыг нэгтэх асуудал юм. Ирэх жилийн хичээлийн шинэ жилээс эхлэн тодорхой ажлуудыг хэрэгжүүлэхээр төлөвлөсөн.  Чанартай боловсрол хөтөлбөрийн агуулгатай л уялдана. Сурагчид даалгаварт дарагдаж байгаа гэдэгтээ санал нийлнэ" гэлээ.