Ш.Энхийн-Од “United center”-т ирэх арванхоёрдугаар сарын 17-нд тоглоно

“Dayton Flyers” багт тоглож байгаа Шаравжамцын Энхийн-Од 2022 оны арванхоёрдугаар cарын 17-нд АНУ-ын Чикаго хотын "UNITED CENTER"-т 19.00 цагаас тоглоно.

АНУ-ын сагсан бөмбөгийн NCAA-ийн нэгдүгээр дивизонд анх удаа Монгол Улсын тамирчин тоглож түүхийн нэгэн шинэ хуудас бичиж байгаа юм. 

МУГТ Ц.Шаравжамцын отгон хүү Энхийн-Од нь өнгөрсөн онд АНУ-ын 1-р дивизионд харьяалагддаг хэд хэдэн багаас тэтгэлгийн санал авсан бөгөөд арванхоёрдугаар сард Дэйтон Их сургуулийг сонгосон юм.

Тэрбээр 2002 оны наймдугаар сарын 27-нд төрсөн, 201 см өндөр, 75 кг жинтэй тамирчин юм. Тэр 2015-2019 онд өсвөрийн УАШТ-нд 8-н удаа түрүүлж, 3 мөнгө, 1 хүрэл медаль хүртсэн удаатай. Мөн 2019 онд АНУ-ын OHSAA Metro Buckeye Conference тэмцээнээс алтан медаль хүртэж байв.