П.Сэрдамба: Э.Цэндбаатарыг олимпын сорилд оролцуулах эсэхийг удирдах зөвлөлөөр шийднэ

Монгол Улсын гавьяат тамирчин Э.Цэндбаатар Монголын боксын холбооны ерөнхийлөгч В.Ганзоригт хүсэлт гаргасан билээ. Хүсэлтэд өнгөрсөн хугацаанд удаа дараа сахилгын шийтгэл хүлээж боксын холбооны итгэлийг алдсан бүх үйлдэлдээ харамсч уучлалт гуйсан байна талаар мэдэгдсэн.

Энэ асуудлаар Олимпын хорооны Ерөнхий нарийн бичгийн дарга П.Сэрдамба Э.Цэндбаатарыг олимпын сорилд оролцуулах эсэх талаар мэдээлэл өглөө. Тэрбээр “Э.Цэндбаатарт олимпод оролцох эрх байдаг. Түүний хүсэлтийг удирдах зөвлөлөөр хуралдаж, шийднэ. Энэ долоо хоногийн сүүлчээр хуралдах байх. Хэн нэгэн дангаараа шийдэх асуудал биш. Одоогоор дөрвөн тамирчин сайн бэлтгэлээ хийж байгаа. Тэд олимпын эрх авах тэмцээнд өрсөлдөхөөр бэлдэж байгаа" гэлээ.