Л.Оюун-Эрдэнэ: Боомтын сэргэлтийн дараагийн үе шат инноваци хиймэл оюун ухаанд тулгуурлах ёстой

О.Шүрэнцэцэг
2024/03/26

Монгол Улсын Ерөнхий сайд Л.Оюун-Эрдэнэ “Боомтын сэргэлт” үндэсний форумд оролцож үг хэллээ.

Тэрбээр, “Шинэ сэргэлтийн бодлого”-оос амжилттай хэрэгжиж буй ажлуудын тэргүүн эгнээнд боомтын сэргэлттэй холбогдох ажлууд эрэмбэлэгдэж байна.  Боомтын сэргэлтийн ажил амжилттай, үр дүнтэй байгаа нь Монгол Улсын эдийн засгийн сэргэлтэд ч хувь нэмрээ оруулж байна. 2023 онд Монгол Улсын дотоодын нийт бүтээгдэхүүн 68.9 их наяд  төгрөг болон тэлж, нэг хүнд ногдох дотоодын нийт бүтээгдэхүүн анх удаа 5,678 ам.долларт хүрсэн. Мөн төлбөрийн тэнцэл 1.5 тэрбум ам.доллараар ашигтай гарч, төсвийн тэнцвэржүүлсэн орлого 1.2 их наяд төгрөгөөр даван биелсэн төдийгүй гадаад валютын албан нөөц 4.9 тэрбум ам.доллар болж нэмэгдсэнд боомтын сэргэлт чухал үүрэг гүйцэтгэсэн. Тухайлбал, боомтын хүчин чадлыг нэмэгдүүлж, биржийн худалдааг эхлүүлснээр Монгол Улс анх удаа ковидын өмнөх үе буюу 2019 онд 36.6 сая тонн нүүрс экпортолж байсан үзүүлэлтээ ахиулж 2023 онд 69.6 сая тонн нүүрс экспортоллоо” гэж хэллээ.

Цаашид боомтын сэргэлтийн бодлого бүсчилсэн хөгжлийн бодлоготой уялдаатай хэрэгжинэ. Бүс бүр боомтоороо дамжуулан олон улсын худалдааны оролцогч байх шаардлагатай. Боомт дагасан хотуудыг бий болгохоор зорьж байна. Бүсчилсэн хөгжлийн бодлогын хүрээнд 2024 оноос аймгуудыг холбох тойрог замын ажлыг эхлүүлнэ. Мөн бүх боомтыг авто замаар холбоно. Боомтын сэргэлтийн дараагийн үе шат нь инноваци хиймэл оюун ухааныг хослуулах ёстой. Хүний оролцоог багасгаж боомтуудад инноваци хиймэл оюун ухааныг нэвтрүүлэх талаар өнөөдрийн форумаар ярилцах нь чухал гэдгийг Ерөнхий сайд онцлов. 
Өнгөрсөн гурван жилд боомтуудад хийсэн бүтээн байгуулалтын ажлаас танилцуулбал, Замын-Үүд боомтын зорчигч болон ачаа тээврийн цогцолборыг бүрэн ашиглалтад оруулж, олон улсын стандартад нийцүүллээ. Тус боомт ирэх дөрөвдүгээр сарын 1-нээс 24 цагаар ажилладаг болно. 

Гашуунсухайтын боомтын зорчигч ачаа тээврийн байгууламжийн ажил 61 хувийн гүйцэтгэлтэй байна. Алтанбулаг боомтын ачаа тээврийн байгууламжийн нэг, дөрөвдүгээр хэсгийг ашиглалтад оруулсан байна. Сүхбаатар боомтын нэг цэгийн үйлчилгээний байгууламжийн ажил дуусаж, улсын комисс хүлээн авчээ. Боршоо боомтын бүтээн байгуулалтын ажил дуусаж, Бичигт боомтын өргөтгөлийн ажил 2023 онд эхэлсэн. Энэ жил Цагааннуур, Булган, Хавирга боомтуудад инженерийн дэд бүтцийн ажил эхэлнэ. Ингэснээр боомтуудын хүчин чадал 2-3 дахин нэмэгдэнэ. Мөн Гашуунсухайт, Шивээхүрэн боомтод автомат удирдлагатай чингэлэг тээврийг ашиглалтад оруулаад байна. Өнгөрсөн гурван жилд Тавантолгой-Гашуунсухайт чиглэлийн 267 км, Тавантолгой-Зүүнбаян чиглэлийн 416 км, Зүүнбаян-Ханги чиглэлийн 226 км төмөр замыг ашиглалтад орууллаа.


0
angry
0
care
1
haha
3
liked
0
love
0
sad
0
wow

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.92.42
2024/03/26
0
0
Худлаа том том яриад л , хэлж байгаа зуйлээ ойлгох ч угуй шуу!!!
Хариулах
62.55.205.86
2024/03/26
0
0
Зөв, үүний тулд саваа бэлдэх хэрэгтэй, өөрөөр хэлбэл боловсон хүчнээ бэлдэх, их дээд сургуулийн чадавхийг эрс сайжруулах, эрчим хүчний асуудлаа бүрэн шийдэх. Түүнээс биш Баагий аварга та хоёрын инноваци, хиймэл оюун ухаанд суралцах асуудал өнгөрсөн шүү_ Залуусын боловсролдоо онгойлон анхаарья ааа. Их дээд сургуулиа чанаржуулья аа.
Хариулах
2405:5700:303:97a1:4871:c83c:25a0:ddc5
2024/03/26
0
0
Ха ха попроод л байдаг
Хариулах
Шинэ мэдээ
Мөрөөдөл биелдэг: 17 жилийн дараах ээж, охин хоёрын уулзалт 5 цагийн өмнө
Цогт тайжын удмын Э.Түвшинбат үр, ач нараа өсгөж сэтгэл дүүрэн амьдардаг 6 цагийн өмнө
Зариг.мн сайт “Мөрөөдөл биелдэг” нэвтрүүлгийг албан ёсны эрхтэйгээр хүргэж эхэллээ 6 цагийн өмнө
Нийслэлийн албан хаагчид бүх нийтийн их цэвэрлэгээнд нэгдлээ 6 цагийн өмнө
Цаг агаарын аюултай үзэгдлээс сэрэмжлүүлж байна 6 цагийн өмнө
GUYUK metaverse дээр SocialPay Junior аппликэйшний эвент эхэллээ 23 цагийн өмнө
Булевиртид эмийг НӨАТ болон Гаалийн татвараас чөлөөлөх хуулийн төслүүдийг өргөн мэдүүлэв 23 цагийн өмнө
Ерөнхий сайд Л.Оюун-Эрдэнэ: Багш нар бол хамгийн шилдэг боловсон хүчин байх ёстой Өчигдөр
Малчны хоршоонд нэгдсэн малчдад Зээлийн батлан даалтын сан 100 хүртэлх хувийн баталгаа гаргана Өчигдөр
Хуучирч муудсан сурталчилгааны самбарыг буулгаж байна Өчигдөр
Б.Чойжилсүрэн: Энэ өвлийг иргэдийн цахилгааныг тасалж л давлаа Өчигдөр
Шилжин суурьших хөдөлгөөнийг энэ сарын 29-ний өдрөөс зогсооно Өчигдөр
Сүүлийн 10 хоногт 21 удаагийн ой, хээрийн түймрийн дуудлага бүртгэгдлээ Өчигдөр
Эрүүгийн хуулиар сэтгүүлчдийг яллагдагчаар татаж буйг эсэргүүцэж, ҮХЦ-д хандлаа Өчигдөр
МАН-ын анхан шатны байгууллагуудын удирдах ажилтны улсын зөвлөгөөн эхэллээ Өчигдөр
Зайсан тойруугийн нэг чигийн хөдөлгөөнийг цуцлах асуудлаар санал авч байна Өчигдөр
Куандук Бишинбаевд 20 жилийн ял төлөвлөжээ Өчигдөр
Нийтийн тээврийн төрлийг нэмэгдүүлэхэд Чех Улстай хамтран ажиллах боломжийг судална Өчигдөр
УИХ: Гадаадын иргэнд газрын 100 жилээр эзэмшүүлэх заалтыг хуулиас хаслаа Өчигдөр
Л.Энх-Амгалан: Сурагчдын хичээлийн тоог цөөлж, хүүхдийг шалгалтад бус амьдралд бэлтгэх хөтөлбөрт шилжүүлнэ Өчигдөр