Бага тойруугийн 30 гаруй байршилд өдрийн цагаар зогсоол хамгийн эрэлттэй байна

О.Шүрэнцэцэг
2024/03/28

Улаанбаатар хотын замын хөдөлгөөний нягтралыг бууруулах, ачааллыг тэнцвэржүүлэх, эрэлтэд нийцсэн авто замын сүлжээг бий болгох, түгжрэлийг бууруулах болон байгаль орчинд ээлтэй, тогтвортой, хүртээмжтэй, аюулгүй тээврийн үйлчилгээг хөгжүүлэх зорилгоор Дэлхийн банкны санхүүжилтээр “Улаанбаатар хотын тогтвортой авто зам, тээвэр” төслийг хэрэгжүүлж байна. Төслийн хүрээнд авто зогсоолын стратеги, менежментийн төлөвлөгөө болон тогтвортой зорчилт хөдөлгөөний стратегийг боловсруулах юм.

Эдгээр төлөвлөгөөг боловсруулах зөвлөх үйлчилгээний багуудыг мэдээллээр хангах, үйл ажиллагаанд дэмжлэг үзүүлэх үүрэг бүхий Ажлын хэсгийг нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг ахалж буй.

Уг ажлын хэсгийн ээлжит хурал өнөөдөр болж, Улаанбаатар хотын тогтвортой зорчилт хөдөлгөөний стратеги болон авто зогсоолын стратеги, менежментийн төлөвлөгөөний үйл явцтай танилцан, санал солилцлоо.

47.400 автомашин хотын төвийн зогсоолд өдөржин байршдаг

Хурлын эхэнд Улаанбаатар хотын авто зогсоолын бодлого, стратеги, менежментийн төлөвлөгөөний үйл явцын талаарх мэдээллийг “ММCG” ХХК-ийн зөвлөх П.Түвшинмандах танилцуулав.

Өнөөдрийн байдлаар Улаанбаатар хотын хэмжээнд 618.800 иргэн ажилдаа явах зорилгоор бүх төрлийн тээврийн хэрэгслээр зорчиж байна. Тэдний 435.500 нь хувийн автомашинаар зорчдог бол хотын төвийн бүс рүү 141.500 иргэн зорчдог аж. Хувийн автомашинаар зорчиж буй иргэдийн 33.4 хувь нь хотын төвийн бүс рүү зорчдог бөгөөд эдгээр иргэд хотын төвийн зогсоолд машинаа өдрийн турш байрлуулдаг гэжээ. Тэгвэл нийслэлийн төвийн зургаан дүүрэгт 1.801 байршилд 113.356 автомашины зогсоол бий. Зогсоолын эрэлт Бага тойрууд хамгийн өндөр байна.

“ММCG” ХХК-ийн эдийн засагч П.Түвшинмандах:

-Зогсоолын орон зайг нэмэгдүүлэх боломж ховор байна. Тиймээс менежментийн аргаар эрэлтийг бууруулах нь оновчтой. Одоогоос арга хэмжээ авахгүй 1-2 жилд эрэлт эрчимтэй нэмэгдэх хандлагатай байна. Бага тойруугийн 30 гаруй байршилд өдрийн цагаар зогсоол хамгийн эрэлттэй байна. Үүнээс шалтгаалан зөвшөөрөлгүй байршилд машинаа байрлуулах, давхарлаж зогсох хандлага их байна. Удаан хугацаагаар буюу 2 болон түүнээс дээш цаг байршуулж буй байдлыг 1 цаг болгон бууруулж чадвал тухайн зогсоолд зогсох автомашины тоог 30-97 хувиар нэмэгдүүлж болно. Мөн ойрын хугацаанд зогсоолын бүсчлэл тогтоох, тогтоосон бүсчлэлдээ хувьсах үнэ тогтоох, цагийн хязгаарлалтын горим тогтоох шаардлагатай байна. Зогсоолын эрэлт хамгийн өндөр байгаа Бага тойруугийн 13 байршилд зам дагуу зогсоолыг бий болгох шаардлагатай. Мөн уг хэсэгт 5-9 давхар зогсоол барих, их тойрууд шинээр барилга барих тохиолдолд 5 хүртэлх давхар зогсоол барих шаардлагатай.

Хурлын төгсгөлд нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг “Улаанбаатар хотын тогтвортой авто зам, тээвэр” төслийг  хугацаанд нь хэрэгжүүлэх хэрэгтэй. Нийслэлээс шаардлагатай мэдээллээр хангах, үйл ажиллагаанд дэмжлэг үзүүлэн ажиллана гэдгийг онцлон хэлэв.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


0
angry
0
care
0
haha
0
liked
0
love
0
sad
0
wow

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.90.72
2024/03/28
0
0
1 метр газрыг ч хүртэл хашаад зогсоол болгоод төлбөр авдагаа ыолих хэрэгтэй шдээ. Бүх зогсоол төлбөргүй байвал зогсоолд санаа зовохгүй шдээ. Хүлээж байгаад л орж гардаг болно. Харин зогсох ёсгүй газраа сайн мэдээлэл өгөөд төрийн албаныханы машиныг албан газрйнх нь гадаа биш өөр зогсоол гражтай болгоод тавиулах хэрэгтэй. Булан эргээд л нэг хаалттай зогсоол өлөн царай ой гутмаар
Хариулах
202.131.236.154
2024/03/28
0
0
eee bolildoo…hotiin toviin buh zogsooliin umiig TOKYO hotiih shig l bolgood…. zogsoolgui tavisan mashiniig achaad torguuliin undur tavihaad l naad asuudal chi shuud shiidegden shd
Хариулах
Шинэ мэдээ
Том зах, худалдааны төвүүдийг чиглэсэн замуудын ачаалал ихэсжээ 10 цагийн өмнө
Шадар сайд С.Амарсайхан Узбекистаны Ерөнхий сайдад бараалхлаа 13 цагийн өмнө
Ерөнхий сайд Л.Оюун-Эрдэнэ эмгэнэл илэрхийллээ 13 цагийн өмнө
Төрийн өмчийн сургууль, цэцэрлэгийн багш, ажилчид хоолны мөнгө авна 15 цагийн өмнө
С.Баяр: Ч.Лодойсамбуу танаас асуух асуулт байна. Л.Оюун-Эрдэнэ огцорвол угаартаж үрэгдэхээ болих уу? 15 цагийн өмнө
М.Нарантуяа-Нара: Ч.Лодойсамбуу яг хэнийг хамгаалаад байгаа юм бэ? 16 цагийн өмнө
Э.Мөнх:Удаан хугацаанд стресстэй явах нь эрүүл мэндэд сөрөг нөлөөтэй 16 цагийн өмнө
Ч.Лодойсамбуу: О.Алтангэрэл сайд бол Ерөнхий сайдын муу юмаа хийлгэдэг солгой гар нь 16 цагийн өмнө
Хоёрдугаар сарын 9-нөөс нийт нутгаар хүйтний эрч суларна 17 цагийн өмнө
Ням гарагаас нийт нутгаар хүйтний эрч суларна Өчигдөр
Гуравдугаар сарын 1-ээс эхлэн автобусанд хугацаатай картаар зорчих боломжгүй болно Өчигдөр
ХӨСҮТ: Менингококк халдварын тархалт 1-5 сар хүртэл үргэлжилнэ Өчигдөр
Өнөөдрөөс нөөцийн махны худалдааг эхлүүллээ Өчигдөр
Ч.Лодойсамбуу: Л.Оюун-Эрдэнэ дөрвөн жилд энэ олон хүний амийг авраагүйдээ уучлал хүсээд ажлаа өг Өчигдөр
Хуульчдын холбоо О.Одбаярт хууль зүйн туслалцаа үнэ төлбөргүй үзүүлэх болжээ Өчигдөр
“Жаргалтай золгоё” цагаан сарын үзэсгэлэн худалдаа болж байна Өчигдөр
Ж.Баярмаа: Амрах гэж унтаад л амиа алддаг болж Өчигдөр
Хэнтий аймгийн удирдах ажилтны нэгдсэн зөвлөгөөн Чингис хотноо эхэллээ Өчигдөр
Орхон аймгийн үйлдвэрлэгчид "Монгол эв нэгдэл" төсөлд нэгдлээ Өчигдөр
О.Алтангэрэл: О.Одбаярыг хохирогчоор тогтоох ажил үргэлжилж байна Өчигдөр