Цагдаагийн алба хаагчид бага насны хүүхэд хүчирхийлсэн асуудлаар мэдээлсэн Өрөг.мн сайтын сэтгүүлч У.Болортуяа өөрийн цахим хуудастаа “Шоронд ормооргүй байна аа! ” гэж бичжээ. Тэрээр “Цагдаагийн 4 алба хаагч хүүхэд хүчирхийлсэн асуудлыг дэлгэснээс хойш олон арван хүн бидэнд хандаад байна. Тэд бүгд цагдаагийн бузар булхай, хууль зөрчдөг мэдээллийг баримттай өгч байна. Энэ бүхний эцэст нэг зүйл хэлье ээ. Уучлаарай. Би одоогоор чадахгүй ээ. Энэ шантаажчин хүүхэн мөнгө аваад амаа үдүүлсэн гэнэ үү, зориггүй гэнэ үү, худалдагдсан гэнэ үү юу гэж бодох нь та бүхний асуудал. Өөрсдөө л мэд.
12,000 мянган цагдаатай, хууль хүчний том системийн өөдөөс ахиад л дуугарч, ахиад л тэмцвэл би яг Өнөрөө эгчийн араас шоронд орно. Надад хэзээ зогсох эсэхээ мэддэг байх нь шоронд суухаас өөрийгөө сэргийлсэн алхам болох гээд байна. Би 10 настай, 2 настай хоёр хүүхэдтэй. Тайван, амгалан сайхан гэр бүлтэй хүн. Хамгаалж явах учиртай гэр бүлээ зовоож шоронгийн цаанаас уйлж дуулан захиа бичээд, намайг хамгаалаач гэж хүмүүсээс гуймааргүй байна аа.
Үнэнээ л хэлье. Монголд 5000 гаруй сэтгүүлч бий. Өчнөөн зуун редакц бий. Нэг нь бүх галыг авах биш. Олуулаа галаа хуваая. Бусдад нь та бүхэн хандаарай. Өнөрөө эгчийг шоронд суухыг нүдээрээ харж, шоронгоос гарч ирэхэд нь тосож авсан хүний хувьд хэлэхэд би тийшээ ормооргүй байна аа” гэсэн байна.
Сэтгэгдэл (12)