Бусдыг үргэлж л инээлгэж явдаг 3 хүүхдийн аав 41 настай Б.Сүхбат гэдэг залуу 1-р сарын 23-ны шөнө Дорнод руу ачаа, тээвэрт явахаар гэрээсээ гарчээ. Удалгүй гэртээ үлдсэн эхнэрийнх нь утас дуугарч “танай нөхөр дэлбэрэлтэд өртөөд, түлэгдчихлээ” гэдэг мэдээ ирж. Эхнэр нь яарсаар Түлэнхийн төвд очтол 80 хувийн түлэгдэлттэй, найдваргүй гэдгийг эмч нар нь хэлсэн байна. Тэр үед ухаан санаа нь хэвийн байхдаа эхнэртээ “газ үнэртэхэд тэнд байсан машинууд асахаа больчихсон, би зүгээр л зугтах байсан юм билээ” гэж хэлжээ. Бүрэн түлэгдсэн Б.Сүхбат эмнэлэгт байх хугацаандаа өдөр бүр унтуулах, тайвшруулах тариа, морфин хийлгэсээр битүүний өдөр өөд болсон байна. Дэлбэрэлт болдог шөнө 14 энгийн иргэн түлэгдэж эмнэлэгт хүргэгдээд 5 нь сэхээнд орсны дөрөв нь өөд болжээ. Харамсалтай явдалд ОБЕГ-ын 3 алба хаагчаас гадна 4 энгийн иргэн буюу нийт 7 хүн амиа алдсан байна. Тэдгээрийн дунд 19 настай Сэргэлэнбаатар хүү амьдаараа шатаж, амь тэмцэн гүйж буй нь бичлэгт тод бичигдсэн. Хүү эмнэлэгт хүргэгдээд удалгүй өөд болжээ. Ганц хүүгээ алдсан ээж нь хагас ухаангүй байгаа талаар Б.Сүхбатын эхнэр ярилаа. Ажлаа хийж, ажлаа тарж яваад л амиа алдчихсан 4 иргэнийг төр нь хөсөр хаяж, Шадар сайд нэг ч удаа уулзаагүй, дурсаагүйд ар гэрийнхэн нь гомдолтой байгаа юм.
Сэтгэгдэл (18)