126: Нэгдүгээр тойргийг өнгөлөх МАН-ын шинэ, залуу улс төрч Сугаржавын Далхаасүрэн

Шинэ залуу нэр дэвшигчдийн жагсаалтыг УИХ дахь МАН-ын бүлгийн Ажлын албаны дарга Сугаржавын Далхаасүрэн үргэлжлүүлж байна. Их Монгол дээд сургуулийг Сэтгүүлч мэргэжлээр төгсч, МУИС-д  Хуульч эрхзүйч мэргэжил эзэмшжээ. Улмаар МХЕГ-ын  Хэлтсийн дарга, Хөдөлмөр нийгмийн хамгааллын сайдын зөвлөх, Засгийн газрын Худалдан авах ажиллагааны газарт хэлтсийн дарга, Улаанбаатар хотын Гаалийн газрын орлогч даргаар ажиллаж байсан туршлагатай, 2020 оноос  УИХ дахь МАН-ын бүлгийн Ажлын албаны даргаар томилогдон ажиллаж байгаа юм. Өвөрхангай аймгаас гаралтай түүнийг УИХ-ын сонгуулийн 1-р тойрог Баянхонгор, Өвөрхангай, Архангайд нэр дэвшинэ гэж улс төрийн хүрээнд таамаглаж байгаа юм. Тус тойрогт МАН, АН-аас нэр дэвшигчдийн дунд улс төрд салхи оруулах шинэ залуус олон бий, тэдний нэг нь  Сугаржавын Далхаасүрэн юм.

Тэрбээр, Шүүхийн ерөнхий зөвлөл, шүүхийн сахилгын хорооны шүүгч бус гишүүдийг сонгон шалгаруулах ажлын хэсгийн гишүүнээр ажиллаж шүүхийн шинэчлэлийн төлөө гар бие оролцож ажилласан нэгэн.