Монголын залуу эрдэмтэн судлаачдын оюуны үнэлэмжийг нэмэгдүүлсээр байна

О.Шүрэнцэцэг
2024/05/14

Монголын залуу эрдэмтэн судлаачдын үндэсний VII чуулга уулзалт болж байна. Энэ удаагийн уулзалтыг “Нээлттэй шинжлэх ухаан-Залуучуудын оролцоо” сэдвийн дор зохион байгуулж байгаа юм.

Чуулганыг нээж Боловсрол, шинжлэх ухааны сайд Л.Энх-Амгалан үг хэллээ. Тэрээр “Өөрчлөгдөн даяаршиж байгаа энэ нийгэмд шинжлэх ухааны гүйцэтгэх үүрэг улам бүр өсөн нэмэгдэж байна. Хиймэл оюун ухаан, цахим шилжилт, и-шинжлэх ухааныг хөгжүүлэх замаар хэрэгцээт мэдлэгийг түгээх, улмаар шинжлэх ухааны нийгэмд эзлэх байр суурийг бэхжүүлэх хэрэгтэй. Энэхүү зорилтыг хэрэгжүүлэхэд Монгол Улсын шинжлэх ухааны салбарын залгамж халаа болсон залуу судлаач, эрдэмтдийн оролцоо чухал. Монгол улсад мэдлэгийн үйлдвэрлэлийг их бүтээн байгуулалтад нэвтрүүлж, “Монгол ухаан” Монголоо хөгжүүлэх улмаар дэлхийн оюуны зах зээлд хүчээ сорих шинэ цагийг Монгол оюунлаг залуус авчирна гэдэгт итгэлтэй байдаг” гэлээ.

Өмнөх чуулга уулзалтаар яригдсан санал, зөвлөмжүүд биеллээ олж, Монголын Улсын шинжлэх ухааны салбарын үзэл баримтлалын шинэчлэл, Хүний нөөцийн хөгжил, санхүүжилт, төр хувийн хэвшлийн хамтын ажиллагааг эрх зүйн орчинд хуульчлах, и-шинжлэх ухааныг хөгжүүлэх замаар хэрэгцээт мэдлэгийг оролцогч талуудад түгээх, тогтвортой хөгжил дэх шинжлэх ухааны оролцоо зэрэг санал, зөвлөмж Засгийн газрын үйл ажиллагааны хөтөлбөрөөр дамжин хэрэгжиж, бодит ажил болсоор байгаа ажээ.

 Залуу эрдэмтэн судлаачдын Шинжлэх ухааны бага олимп гэж нэрлэж болох “Хүрэлтогоот” эрдэм шинжилгээний хурлыг 19 дэх удаагаа амжилттай зохион байгуулж, тус хуралд оролцогч залуусын тоо жил ирэх тутамд нэмэгдэж сүүлийн 2 жилд 500 гаруй судлаачдын бүтээл хүлээн авч 100 гаруй илтгэл хэлэлцүүлэн 28 судалгаанд грант олгожээ. Уг хурлын грантын хэмжээ 4 сая төгрөг байсныг 2022 оноос эхлэн 10 сая төгрөг болгон өөрчилсөн бол Докторын дараах залуу судлаачдын грантын 10 сая төгрөгийг энэ жилээс 20 сая төгрөг болгон Монголын залуу эрдэмтэн судлаачдын оюуны үнэлэмжийг нэмэгдүүлсэн.

 Түүнчлэн жил бүрийн Инновацын 7 хоногоор судлаачдын англи хэлний чадавхыг сайжруулах, олон улсын түвшинд бүтээлээ түгээх, танилцуулах дэмжлэг үзүүлэх Англи хэл дээрх “BEST PAPER AWARDS” арга хэмжээг зохион байгуулж байна. Тус арга хэмжээнд дотоодын болон хөрш орнуудаас залуу эрдэмтэд хүрэлцэн ирж илтгэл хэлэлцүүлдэг болсон. Иймээс энэ үйл ажиллагааны шагналын санг нэмэгдүүлэн 30 сая төгрөг болгоод байна. 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Танилц: Засгийн газрын хуралдаанаас гаргасан шийдвэрүүд 52 минутын өмнө
Танилц: Татан буугдаж буй 29 Үндэсний хороо, зөвлөл 2 цагийн өмнө
Хууль зүй, дотоод хэргийн сайд Л.Мөнхбаатарын санаачлан хэрэгжүүлсэн “Хүслийн хад аялал жуулчлалын цогцолбор” нээлтээ хийлээ 3 цагийн өмнө
​ Засгийн газрын ээлжит хуралдаан болж байна 3 цагийн өмнө
Улаанбаатарт бороо орно 4 цагийн өмнө
Хэт холын зайн гүйлтийн тамирчин Б.Буджаргалыг Хөдөлмөрийн Гавьяаны Улаан Тугийн одонгоор шагнав 21 цагийн өмнө
Рагчаагийн Анхням МУГЖ цол хүртлээ 21 цагийн өмнө
​ “Эрчим хүчний өндөржүүлсэн бэлэн байдал дундах улс төрийн "галт томилгоо’” 21 цагийн өмнө
Ч.Найдандорж: “Ардын жүжигчин” болоод их баярлалаа. Би ер нь шагналд дуртай хүн бололтой шүү 23 цагийн өмнө
Д.Бямбацогт: Намайг эрхэм хүндтэй шагнал хүртээсэй гэж хүссэн олон хүн байсанд маш их баярласан Өчигдөр
ЭМГЭНЭЛ Өчигдөр
НҮБ-ын ойн комиссын “Хуурай бүс нутгийн ажлын хэсгийн IV хурал”-ыг улаанбаатар хотноо зохион байгуулж байна Өчигдөр
Ашигт малтмалын ашиглалтын тусгай зөвшөөрөлтэй аж ахуй нэгж байгууллагуудад шалгалт хяналт хийв Өчигдөр
Засгийн газар нэн тэргүүнд ямар ажил хийх ёстой талаар Emongolia болон 11-11 төвөөр дамжуулж иргэдээс санал авч эхэллээ Өчигдөр
Х.Нямбаатар: Авлигын хэргээр ял шийтгэл авч байсан нэг хүн намайг АТГ-д шалгуулахаар өгчээ Өчигдөр
​Урт цагааны цэцэрлэгт хүрээлэн өнөөдөр ашиглалтад орохоор болжээ Өчигдөр
Дуу цахилгаантай бороо орно Өчигдөр
Наадмын хуушуур хийх зөвшөөрлийг дүүргүүд олгодог Өчигдөр
Ц.Төмөрбаатар: Би аавынхаа зэрэгт хүрэхгүй ч цол хэргэм ижил боллоо Өчигдөр
Аялал Жуулчлалын Мэргэжлийн Холбоо, CU брэнд хамтран Монгол орноороо СОЁЛТОЙ АЯЛЪЯ үндэсний аяныг эхлүүллээ Өчигдөр