УЛАМЖЛАЛТ АНАГААХ УХААНЫ ЭМЧ НАР БНХАУ-ЫН БЭЭЖИН ХОТОД СУРГАЛТАНД ХАМРАГДЛАА

Нийслэлийн Эрүүл мэндийн газар нь Уламжлалт анагаах ухаан технологийн хүрээлэнтэй хийсэн харилцан ойлголцлын санамж бичгийн хүрээнд БНХАУ-ын Засгийн газрын бүрэн тэтгэлэгээр харьяа эрүүл мэндийн байгууллагын Уламжлалт анагаах ухаан (УАУ)-ны зургаан эмчийг сургалтанд сургахаар болсон. Харин сургалт Бээжин хотод "2017 Training Course on Health Care Technique of Traditional Chinese Medicine" нэртэйгээр хоёр ээлжээр явагдаж байгаа. Эхний ээлжийн гурван эмч Налайх дүүргийн Эрүүл мэндийн төвийн Уламжлалт анагаах ухааны эмч Т.Алтантуяа, Хан-Уул дүүргийн Нэгдсэн эмнэлгийн УАУ-ны Ц.Ууганчимэг, Чингэлтэй дүүргийн Эрүүл мэндийн төвийн УАУ-ны эмч Т.Мандах нар хамрагдаж амжилттай төгссөн. Харин тус сургалтын хоёрдугаар ээлж эхэлсэн бөгөөд Багануур дүүрэг, Баянгол дүүрэг, Баянзүрх дүүргийн Эрүүл мэндийн төвийн УАУ-ны гурван эмч суралцаж байна.