Л.ЭНХ-АМГАЛАН: ЭРХ АШГИЙН ЗӨРЧЛИЙГ ЕРӨНХИЙ САЙД ТОГТООДОГГҮЙ, АТГ ТОГТООДОГ

У.Хүрэлсүхийн Засгийн газарт Л.Энх-Амгаланг ажиллуулахаар "32-ын" бүлгээс нэрийг нь оруулсан билээ. Гэвч ерөнхий сайд У.Хүрэлсүх түүнтэй хамтарч ажиллахаас татгалзсан бөгөөд ашиг сонирхолын зөрчилтэй гэх тайлбарыг хийсэн байна. Уг асуудалд УИХ-ын гишүүн Л.Энх-Амгалан албан ёсны тайлбарыг маргааш хийнэ гэдгээ мэдэгдлээ. Тэрбээр "Намайг ашиг сонирхлын зөрчилтэй гэж буруу тайлбар хийсэн. Энэ талаар би маргааш албан ёсны мэдээлэл өгнө. Надад ямар ч ашиг сонирхлын зөрчил байхгүй. Эрх ашгийн зөрчлийг Ерөнхий сайд тогтоодоггүй, Авлигатай тэмцэх газар тогтоодог" гэв.