НҮБ-аас дэлхийн хүн амын тоо 2050 онд хүртэл өөрчлөгдөх төлөвийг гаргажээ. Тус судалгаанаас үзвэл XXI зууны дундуур дэлхийн хүн ам 9,7 тэрбумд хүрэх бол сүүлээр нь өсөлт арай буурч хүн амын тоо 11 тэрбум болох аж.Энэтхэг нь 2027 он гэхэд хүн амын тоогоороо БНХАУ-аас давж гарна. Түүнчлэн Нигери, Пакистан, Бүгд найрамдах Ардчилсан Конго, Этиоп, Танзани, Индонези, Египет гэсэн лалын шашинтнууд гол төлөв оршин суудаг улсуудын хүн амын өсөлт өндөр байна. Ерөнхийдөө өсөлтийн хэмжээгээр Африк тив бусдаасаа хол тасарна.
Хятадын хүн амын сүүлийн 70 жилийн дотор анх удаагаа цөөрсөн тухай мэдээ энэ оны эхээр гарч байсан. 2018 онд Хятадын нас барсан хүмүүсийн тоо нь төрсөн хүүхдүүдийнхээс 1,27 саяар илүү гарсан. БНХАУ нь хүн амынхаа хэт өсөлтийг удирдах зорилгоор 1979 онд “Нэг гэр бүл – нэг хүүхэд” гэж нэрлэгдсэн кампанит ажлыг өрнүүлсэн байдаг. Гэвч энэхүү арга хэмжээний үр дүнд нийгэм дэх тэтгэврийн насны хүмүүсийн эзлэх хувь эдийн засагт сөрөг нөлөө үзүүлэх хэмжээ рүү дөхөж яваа тухай мэдээ гарснаас хойш “Нэг гэр бүл – нэг хүүхэд” хөтөлбөрийг хэсэгчлэн зогсоосон ч төрөлтийн тоо төлөвлөж байснаар өсөөгүй байдаг.
Сэтгэгдэл (0)
Сэтгэгдэл бичигдээгүй байна