ДЭЛХИЙН 2,2 ТЭРБУМ ХҮН ЦЭВЭР УСНЫ ЭХ ҮҮСВЭРГҮЙ АМЬДАРЧ БАЙНА

Дэлхийн эрүүл мэндийн байгууллага, Хүүхдийн сангаас зургаадугаар сарын 18-нд Женев хотноо гаргасан илтгэл 2,2 тэрбум хүн цэвэр усны эх үүсвэргүй амьдарч байгааг дурджээ.Цэвэр усны эх үүсвэрийн хүртээмж, ус хангамжийн суурь үйлчилгээний хүртээмж ба чанар, ариун цэвэр сахих, өвчин эмгэгээс урьдчилан сэргийлэх арга хэмжээ авах салбарт дэлхий даяар асар их эрх тэгш бус байдал бүрдээд байгааг тус илтгэлийг гаргасан мэргэжилтнүүд онцолжээ. Тухайлбал, 785 сая хүн цус хангамжийн салбарын үндсэн үйлчилгээ авалгүй амьдарч байгаагаас 144 сая нь ариутгал шүүлт хийгээгүй усыг байгалийн усан сангуудаас шууд авч хэрэглэж байна.Тогтмол ил задгай хүндээр бие засч байгаа хүний тоо 673 сая байна. Дэлхий хэмжээнд нийтийн ариун цэврийг сахих үйлчилгээг зохих түвшинд авч чаддаггүй хүний тоо 4,2 тэрбум болсны 3 тэрбум нь гэртээ гараа савандаж угаах боломжгүй нөхцөлд амьдарч байна.

Ус хангамж, ариун цэвэр хангах нөхцөл бүрдүүлээгүйгээс үүдэлтэй гүйлгэх өвчнөөр жил болгон тав хүртэлх насны 300  мянган хүүхэд нас барж байна.Иймд усан хангамжийн албадуудыг хөгжүүлэх, нийтийн болон хувийн ариун цэврийг сахихад оруулж буй хөрөнгө оруулалтаа нэмэгдүүлэхийг Дэлхийн эрүүл мэндийн байгууллага, Хүүхдийн сангаас дэлхийн нийтэд уриалжээ.