БАРИЛГЫН ОСЛЫН ХОХИРОГЧ ДАДЛАГЫН ОЮУТАН БАЙСАН ГЭВ

Зайсангийн Бага тэнгэрийн аманд баригдаж байгаа барилга дээрээс насанд хүрээгүй 16 настай хүүхэд унаж, гэмтсэн осол гарлаа. Хүү ухаангүй Яаралтай түргэн тусламжийн автомашинаар ГССҮТ-д хүргэгдээд байна. Манай сурвалжлах баг Бага тэнгэрийн аманд очсон ч хамгаалалтын ажилтнууд нэвтрүүлсэнгүй. Харин хамгаалалтын албаны дарга "Нью тур ХХК-ийн барилга дээрээс 16 настай хүүхэд унасан. Бэртсэн байж магадгүй. Хоёр гар нь бэртсэн гэсэн мэдээлэл байна. Осол гарсан барилга дээр цагдаа, мэргэжлийн хяналтын ажилтнууд ажиллаж байна. Барилгаас унасан хүүхэд Барилгын коллежийн оюутан байсан. Багштайгаа хамт дадлага хийж байсан" гэсэн мэдээлэл өглөө. Бид Нью тур ХХК-иас ослын талаар тодруулахаар албан дугаар луу нь залгахад "Сод монгол компани хэмээн хариулж, дотоод холбоогоороо Нью тур ХХК"-тай холбож өгсөн юм. Гэвч Нью тур ХХК-ийн ажилтан "Ослын талаар мэдээлэл аваагүй байна" гэсэн хариулт хэлсэн.