Оросын "Нефтегазхолдинг" компани ба Хятадын "Үндэсний хими инженерийн барилгын компани №7" нь Оросын Таймыр дахь Пайяха газрын тосны орд газраас хамтран газрын тос олборлох 5 тэрбум долларын гэрээ байгуулсан байна. Хамтарсан олборлолт 2024 оноос эхлэх бөгөөд 2030 онд гэхэд тооцоолсон 26 сая тонн гэсэн үзүүлэлтдээ хүрэх аж.Пайях дахь газрын тос ба шатдаг хийн орд нь Арктик дахь хамгийн том орд. Олон улсын ангиллын 2Р зэрэглэлээр тооцвол 420 сая тонн харин 3Р зэрэглэлээр тооцвол 2 тэрбум тонн газрын тосны нөөцтэй. Хятадад энэхүү төслийг "Мөсөн торгон зам" стратегийн нэг хэсэг гэж нэрлэсэн байна.
Сэтгэгдэл (0)
Сэтгэгдэл бичигдээгүй байна