​УКРАЙНЫ ХӨДӨЛМӨРИЙН ЦАГААЧИД НУТАГ РУУГАА 11 ТЭРБУМ ДОЛЛАР ЯВУУЛЖЭЭ

Украйнд Майдан хувьсгал ялснаас хойш буюу 2014 оноос хойш Польш руу илүү цалинтай ажил хийхээр цагаачлагчдын тоо 5 дахин нэмэгдээд байгаа тухай "Укринформ" мэдээлсэн байна.Польш дахь Украйны Элчин сайдын яамны консулын албанаас энэ талаар "Польшид байх Украйны иргэдийн тоо 2014 оноос эхлэн эрс нэмэгдсэн. 2014 оноос өмнө тэнд ойролцоогоор 320 мянган хүн байгаа гэж тооцож байсан бол одоо албан бус мэдээгээр 1,5 сая байна" гэжээ.Хөдөлмөр эрхлэхээр Польш руу цагаачилсан украинчууд барилгын хар ажил, засвар, хөдөө аж ахуй, үйлчилгээний салбар зэрэг биеийн хүчний ажил хийдэг юм байна.

2019 оны нэгдүгээр сарын байдлаар Украйны хөдөлмөрийн чадвартай иргэдийн 16 хувь нь буюу 3-6 сая хүн хилийн чанадад ажиллаж байгаа, тэд нутаг руугаа жилийн дотор 11 тэрбум доллар шилжүүлсэн тухай Украйны Төв банкны орлогч дарга Е.Рожкова мэдэгдэж байсан юм. Эдний дийлэнх олонх нь Украйны эрх баригчдын "дайсан улс" гэж зарласан ОХУ-д ажилладаг. Харин нутаг руугаа явуулдаг мөнгөний хэмжээгээр Польшд ажиллаж байгаа украйн цагаачид тэргүүлдэг.