Английн Чешир гүнлэг дэх Кру хотод аж төрдөг 39 настай Шарон Блакмор гэгч эмэгтэй эцэг, эхдээ өгсөн амлалтаа биелүүлж 160 кг турсан тухай "Daily Record" сонин мэдээлжээ.Шароны эцэг, эх долоо жилийн өмнө өөд болсон аж. Гэхдээ Шарон тэднийг амьд ахуйд жингээ хасч эргээд хэвийн жинтэй болно гэж амлаж байсан юм байна. Иймд олон жилийн өмнө эцэг, эхдээ өгсөн амлалтаа биелүүлэн турахаар шийджээ. Амлалтаа биелүүлэхийн тулд спортоор хичээллэж эхлэх үед түүний жин 238 кг байж. Тэрээр пицца, Гамбургер, Хондог гэх мэт хоолноос бүрэн татгалзан спортоор хоёр жил хагасын турш уйгагүй хичээллэсний үр дүнд 160 кг-аар турж 77 кг жинтэй болсон байна.Шарон "Би амьдрал дэндүү богино гэдгийг туршлагаасаа олж мэдсэн. Хүн өнөөдрөөр амьдарч, сайхан байхын тулд анхаарал тавих хэрэгтэй байдаг юм байна" гэжээ.
Сэтгэгдэл (0)
Сэтгэгдэл бичигдээгүй байна