ТҮРЭЭСИЙН ОРОН СУУЦАНД ХАМРАГДАХ ИРГЭДИЙГ БҮРТГЭХ ЦАХИМ БҮРТГЭЛ ЭХЭЛЛЭЭ

"Буянт-Ухаа 2" 972 айлын түрээсийн орон сууцанд хамрагдах иргэдийн цахим бүртгэл өнөөдөр эхэллээ.Нийслэлийн Иргэдийн төлөөлөгчдийн тэргүүлэгчдийн хурлаас түрээсийн орон сууцны 30 хувийг энгийн түрээсээр, 30 хувийг таван жилийн хугацаанд түрээслээд өмчлөх хэлбэрээр, үлдсэн 40 хувийг газар чөлөөлөлтөд орсон иргэдийг орон сууцжуулах зорилгоор баталсан билээ.Үүнтэй холбоотойгоор "Нийслэлийн зорилтот бүлгийн иргэдийг түрээсийн орон сууцанд хамруулах журам"-ыг мөн шинээр баталсан юм.Цахим бүртгэлийг нийт 14 хоногийн хугацаанд 24 цагийн турш амралтын өдрүүдээр ч нээлттэй явуулна.Иргэд бүртгэлийн 14 хоногийн хугацаанд багтан наймдугаар сарын 5-ны дотор хэзээ ч бүртгүүлэх боломжтой.Түрээсийн орон сууцны цахим бүртгэлд http://nosk.ub.gov.mn/ вэб сайтаар нэвтрэн орж бүртгүүлнэ