Үерээс дайжсан бар айлын байшинд нуугдсан байгааг харуулсан фотог Энэтхэгийн Зэрлэг байгалийн сан Twitter хуудсан дээрээ байршуулсан байна.Нуугдсан бар нь Ассам мужийн Казиранга үндэсний дархан цаазат газарт борооны улирлын үеэр үерээс зугтсан аж. Борооны улирал эхлэхийн өмнө дархан цаазат газрын ажиллагсад зэрлэг амьтдыг аюулгүй газар руу нүүлгэхээр зэхэж байсан ч бар тэднээс өрссөн нь энэ аж.
Казиранг дархан цаазат газрын ажилтнууд ба малын эмч нар бар орсон айлд ирж, унтуулдаг тариагаар буудан барыг унтуулаад аюулгүй газар руу зөөжээ.Тус дархан цаазат газарт борооны улирлаар хэт их бороо орж, нийт талбайнх нь 95 хувь нь үерт автсан байна. Үүнээс болж дархан цаазат газраас хирс, заан, буга зэрэг амьтад үргэн дайжсан байна. Мөн үерийн улмаас улаан номонд орсон 83 амьтан амиа алдсан байсныг бүртгэн авчээ.Зөвхөн дархан цаазат газрууд гэлтгүй Энэтхэгийн зүүн өмнөд бүс нутаг бүхэлдээ үерт автаад байгаа. Үерийн улмаас хохирсон хүний тоо 19,6 саяд хүрсэн байна.
Сэтгэгдэл (0)
Сэтгэгдэл бичигдээгүй байна