Филяндын Ерөнхийлөгч СаулиНиинистё нь АНУ-ын Ерөнхийлөгчтэй хэлэлцээ хийсний дараа хамтарсан хэвлэлийн хурал явуулахдаа энэ талаар мэдэгдсэн байна. Тэрээр "Би худалдан авах явц нь хоёр жилийн дотор хийгдэж дуусна гэдгийг Ерөнхийлөгч Трампт хэлсэн. Бид одоо Европоос ирсэн гурав, АНУ-аас ирсэн хоёр гээд таван санал судалж байна" гэжээ.
Харин Трамп "АНУ ойрын үед олон улс оронд онгоц, сөнөөгч онгоц зарах гэж байгаа. Магадгүй Финляндад ч зарж болно. Бид дэлхийн хамгийн шилдэг пуужин, сөнөөгч хийдэг. Энэ нэг ч улс манайд ойртож чадахгүй" гэжээ.
Финляндын батлан хамгаалах яам нь сөнөөгч онгоцны парк шинэчлэх томоохон хэмжээний тендерийн шалгаруулалт хийж байгаа юм. Хоёр жилийн дараа ялагч компаниас нь 11,1 тэрбум долларын сөнөөгч онгоц худалдан авна. Санал өгсөн талууд нь Boeing "F/A-18E/F Super Hornet", "Dassault Rafale", Eurofighter "Typhoon", Lockheed Martin "F-35A", Saab "Gripen".
Сэтгэгдэл (0)
Сэтгэгдэл бичигдээгүй байна