Туркийн армийнхан Сирийн зүүн хойд нутагт курд үндэстний эсрэг "Энх тайвны булаг" нэртэй ажиллагаа эхлүүлсэн нь олон зүгээс хүчтэй шүүмжлэлд өртөөд байгаа. Хил заан тодотгоосон газар нутаггүй хамгийн олон хүн амтай үндэстний эсрэг байлдааны ажиллагаа явууллаа гэж Туркийн эрх баригчдыг шүүмжилж байгаа. Гэхдээ хамгийн их шүүмжлүүлж байгаа нь АНУ-ын Ерөнхийлөгч Трамп.
Зүй нь Сири дэх Америкийн цэргийн ангиуд Туркийн хийх давшилтыг хаан зогсож, курдуудыг аврах ёстой байтал тэгээгүй гэж Трампыг бүгд үзэн ядаж байна. Иймд Трампкурдуудыг орхин, цэргээ Сири улсаас гаргах тушаал өгөх болсон шалтгаанаа тайлбарлахаас өөр аргагүй болсон. Тэрээр курдуудыг орхих болсон тун өвөрмөц гэж болохоор шалтаг дурдсан тухай "YahooNews" сайт мэдээлжээ. Трамп нь нь хэвлэлийн бага хурлын үеэр "...курдууддэлхийн хоёрдугаар дайны үеэр АНУ-д Норманд гэх мэт газарт тусламж үзүүлж байгаагүй. Гэтэл Америк нь Сирийн курдуудэд зэвсэг, сум нийлүүлэх гэж асарт их мөнгө зарлагадаад байна" гэжээ. Мөн курдуудыг дотроо эв нэгдэлгүй, олон янзын фракцаас бүрддэг гэж шүүмжилжээ.
Сүүлд ирж байгаагаа мэдээгээр Туркийн армийнхан Сирийн хойд нутаг дахь цэргийн ажиллагааны хүрээнд курд салан тусгаарлагчдын 181 байрлалд агаараас болон газраас цохилт өгөөд байгаа юм байна. Энгийн иргэдийн дунд олон арван хүн амиа алдаж, шархадсан тухай мэдээ тасралтгүй ирж байна.
Сэтгэгдэл (0)
Сэтгэгдэл бичигдээгүй байна