2020/07/06
USD 2,811

МЕТАЛЛ ИЛРҮҮЛЭГЧЭЭР 4000 ЖИЛИЙН НАСТАЙ ЗҮҮЛТ ИЛРҮҮЛЖЭЭ

Н.Мичидмаа
2019/10/11

Английн КамбригүнлэгийнУайтхейвен хотын оршин суугч хүрлийн үеийн алтан чимэглэл олсон тухай "Daily Mail" мэдээлж байна. БиллиВоган гэгч 54 настай эр мэргэжлийн эрдэнэсийн хайгуулчин юм бана. Тэрээр металл илрүүлэгчээр хайгуул хийж байгаа 13 см-ийн гүнээс өнгөт металлаар хийсэн эд зүйл олсноо анхандаа уулчны тоног эсвэл тракторын эд ангийн хугархай гэж боджээ. Олсон зүйлээ цэвэрлэн мэргэжлийн шинжээчид зургийг нь явуултал 4000 жилийн тэртээ буюу хүрэл зэвсгийн үеийн хүзүүний гархи буюу торквес гэсэн хариу иржээ. Тэр үед ийм гархийг баян хүмүүс хүзүүндээ зүүж гайхуулдаг моодтой байсан байжээ.

Воган нь 22 каратын гархийг алт мөнгөний дархад үзүүлэхэд түүнд 312 грамм цэвэр алтны агууламжтай гээд зөвхөн алтыг нь 11 мянган фунтээр үнэлжээ. Гэтэл энэхүү гархи нь 4000 жилийн түүхтэй тул түүхийн дурсгалт зүйлс гэдгээрээ бүр их үнэ хүрэх нь гарцаагүй. Иймд Воган нь хуулийн дагуу үнэт олдворын тухай орон нутгийн музей болон үнэт эдлэлийн үнэлэгчид мэдээлжээ. Ингэснээр үнэлэгчийн тогтоосон үнээр орон нутгийн музей нь тус олдворыг худалдан авах ёстой болох юм. Үүнээс өмнө 2008 онд өөр нэгэн эрдэнэсийн эрэлчин төстэй гархи олоход үнэлэгч нь 350 мянган фунтээр үнэлж, орон нутгийн музей нь худалдан авч байжээ.


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
185.39.141.46 |   2019/10/11
mongold.hezeech;alt.ilrvvllee.gedeggvi..tonuulchid
Хариулах