БНХАУ-ын ГХЯ нь Чех улсын нийслэл Прагын удирдлагад хандан гаргасан алдаагаа хүлээн зөвшөөрөөд, ахар богино хугацаанд засахыг уриалсан тухай "Синьхуа" агентлаг мэдээлж байна. Хятадын Гадаад харилцааны яамны албан ёсны төлөөлөг Гэн Шуаны хэлж байгаагаар Прага хотын удирдлага нь өнгөрсөн оны арваннэгдүгээр сараас эхлэн Тайван, Төвөд зэрэг БНХАУ-ын үндсэн эрх ашигтай холбоотой чухал асуудлаар удаа дараалан зохисгүй мэдэгдэл, алдаатай үйлдэл хийж байсан юм байна. Иймд Прага хоттой ах дүүгийн харилцаатай байсан Бээжин нь албан ёсны түвшний бүх л харилцаагаа зогсоож байгаа аж. Иймд цаашид Прага хотын удирдлага алдаагаа ухамсарлан засах ёстой гэжээ.
Прага хотын шинэ удирдлага нь Хятадтай хамтран ажиллах гэрээгээ өөрчилж, Тайваныг Хятадын салшгүй хэсэг гэсэн заалтыг хасахыг хүссэн тухай мэдэгдэж байсан. Мөн Прага хотын шинэ мэр ЗденекГржиб нь жил болгоны гуравдугаар сарын 10-нд Төвөдийн төрийн далбааг өргөдөг уламжлалыг сэргээсэн нь ийнхүү Бээжингийн эрх баригчдын уур хилэнг хүргэсэн бололтой.
Сэтгэгдэл (0)
Сэтгэгдэл бичигдээгүй байна