2020/07/14
USD 2,811

КАЗАХСТАНД ХЯТАД АЖИЛЧИД БА НУТГИЙН ИРГЭДИЙН ХООРОНД ЗОДООН БОЛЖЭЭ

Н.Мичидмаа
2019/10/11

Казахстаны Алм-Ата мужийн Аксуск районд замын авто замын барилга угсралтын үеэр хятад ажилчид ба нутгийн иргэдийн хооронд зодоон болсон тухай орон нутгийн цагдаагийн газар мэдээлжээ. Замын ажлыг гүйцэтгэж байгаа Хятадын "Citic Construction" компанийн ажилчдын хооронд ажлын улмаас үүссэн маргаан яваандаа нутгийн иргэдийг оролцуулсан зодоон болж хувирчээ. Тус компанийн дөрвөн ажилчны дунд гарсан маргааны үеэр казах гаралтай Хятадын иргэнд хөнгөн гэмтэл учруулсан байна. Үүний дараагаар нутгийн иргэд ба "Citic Construction" компанийн казах ажилчид хятад ажилчдаа зодож, дөрвийг хүнд гэмтээжээ. Казахстаны цагдаагийн газар зодоон өдөөсөн хүмүүсийг саатуулан мөрдөн байцаалт явуулж байгаа юм байна. Мөн энэ далимаар "Citic Construction" компанийн ажилчдын дунд шалгалт явуулж, визийн зөрчилтэй 33 хятад иргэнийг илрүүлж, албадан нутаг буцаахаар болсон байна.

Сүүлийн үед Казахстанд гадаадын ажилчид ба нутгийн иргэдийн хооронд энэ мэт зодоон, мөргөлдөөн цөөнгүй гарах болсон. Тухайлбал, зургаадугаар сарын сүүлээр Атырау муж дахь газрын тосны Тенгиз орд газарт Ливийн иргэд нутгийн бүсгүйг доромжилсон байдлаар авхуулсны зургаа интернэтэд байршуулсны дараа уурласан нутгийн иргэд ирж 40 орчим гадаад ажилчдыг зодсон эрэг гарч байсан. Наймдугаар сард Жайремийн уулын баяжуулах үйлдвэрт мөн л казах эмэгтэйн нүцгэн зургийг интернэтэд байршуулсны дараа нутгийн иргэд үйлдвэрийн байр руу дайран орж, турк ажилчдыг зодсон хэрэг гарч байжээ.


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.72.245.122 |   2019/10/14
сайн байна
Хариулах
103.9.90.98 |   2019/10/11
Казакуудад баяр хүргэе ингэж байж улс үндэстэнээ хамгаалж байна манайхан бол дээр дооргүй муу хятадаадад бууж өгнөдөө
Хариулах
112.72.12.9 |   2019/10/11
Хасагууд сайн байна ш дээ
Хариулах