2020/07/15
USD 2,811

ШОТЛАНД ТУСГААР УЛС БОЛОХ БҮХ НИЙТИЙН САНАЛ АСУУЛГЫГ ЭЭЛЖИТ УДААГАА ЯВУУЛНА

Н.Мичидмаа
2019/10/14

Шотландыг Их Британийн бүрэлдэхүүнээс гаргах тухай бүх нийтийн санал асуулга явуулах хүсэлтийг Лондон руу явуулах гэж байгаа тухайгаа Шотландын тэргүүн сайд НиколаСтержен "BBC"-д ярилцлага өгөх үеэрээ мэдэгдсэн байна. Тэрээр "Би яг одоо холбогдох хуулийн санаачилгыг Шотландын парламентад оруулна. Хуулийг баталсны дараа бид Шотландын тухай гэрээний 30 дугаар зүйлийн дагуу асуулга хүргүүлнэ" гэжээ. Энэ зүйлийн дагуу бүх нийтийн санал асуулга явуулах эрхийг Их Британийн парламент бүс нутагт олгох ёстой. Үүний тулд Шотландын парламент, Нэгдсэн Вант улсын парламентын дээд ба доод танхимын зөвшөөрөл шаардлагатай болох юм. Улмаар санал асуулгыг 2019 онд болж магадгүйг сайд хэлсэн байна.

Шотланд урд нь 2014 онд тусгаар улс болох тухай бүх нийтийн санал асуулга явуулж байсан юм. Тэгэхэд оролцогчдын 55 хувь нь Их Британийн бүрэлдэхүүнд үлдэхийн төлөө саналаа өгсөн. Гэвч Их Британийг Европын холбооноос гарах тухай санал асуулгын үеэр дийлэнх шотландчууд үлдэхийн төлөө санал өгсөн тул ийнхүү давтан санал асуулга явуулах боломж гаргаж өгчээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна