Сирийн курдууд Турктэй залгаа хилийн дагуу БашарАсадын армийн ангиудыг байршуулан өөрсдийгөө хамгаалуулах талаар тохиролцсон тухай "Agence France-Presse" мэдээлсэн байна. Курдууд энэ талаар мэдэгдэл хийхдээ "Туркийн түрэмгийлэлд хариу өгөх, цаашид давтагдахаас сэргийлэх үүднээс бид "Сирийн ардчилсан хүч"-нд дэмжлэг болгож Сири ба Туркийн хилийн дагууд цэрэг байршуулах талаар Сирийн Засгийн газартай тохиролцоонд хүрлээ" гэсэн байна.
Туркийн зэвсэгт хүчин Сири дэх курдуудын эсрэг "Энхийн булаг" байлдааны ажиллагааг аравдугаар сарын 9-нд эхлүүлсэн. Энэхүү ажиллагааны хүрээнд курд үндэстэн аж төрдөг нутгийг эзлэн Туркийн хилийг хамгаалах завсрын бүс байгуулахыг зорьж байгаа юм. Хамгийн сүүлийн мэдээгээр Туркийн арми нь курдуудын гол түшиц газруудын нэг болох Рас аль Айн хотыг эзлээд байгаа аж.
Сэтгэгдэл (0)
Сэтгэгдэл бичигдээгүй байна