Киргизийн ядуурлын түвшин 2002 онд 70 хувь байгаад буурсаар 2009 онд 20 хувь болсон ч түүнээс хойш огт буураагүй тухай Дэлхийн банкны шинжээчид мэдэгджээ. Хил залгаа Тажикистанд байдал мөн адил байна. Тэнд 2000 оны эхээр хүн амын 70 хувь нь ядуу амьдарч байсан ч энэ үзүүлэлт нь буурсаар 2009 онд 25 хувь хүрсэн. Гэхдээ Киргизээс ялгаатай нь ядуурлын түвшин нэг хэмжээнд очоод гацсангүй үргэлжлүүлэн буурсаар 2019 онд 13 хувь болжээ.
Төв Азийн энэ бүс нутагт иргэдийн цалин хэт бага, залуучууд, эмэгтэйчүүдийн дунд ажилгүйдэл нэн өндөр байгаа нь ядуурлыг тууштай бууруулахад саад болж байгаа гол зүйлс. Жишээлбэл, Киргизийн 15-28 насны эмэгтэйчүүдийн 15 хувь нь ажилгүй бол энэ насны эрэгтэйчүүдийн 9 хувь нь ажилгүй байна. Хөрш Узбекистаны 15-24 насны эмэгтэйчүүдийн 25 хувь нь ажилгүй, энэ насны эрэгтэйчүүдийнх нь 13 хувь нь ажилгүй байгаа аж.
Сэтгэгдэл (0)
Сэтгэгдэл бичигдээгүй байна