АНУ нь Афганистан дахь цэргийн хүчээ багасгаж эхлээд одоогийн 2000 цэргийн албан хаагчаа гаргаад байгаа тухай "The New York Times" сонин мэдээлж байна. Афганистан дахь АНУ ба НАТО-ийн цэргийн командлагч дэслэгч генерал ОстинСкоттМиллер нь тус улс дахь Америкийн цэргийн албан хаагчдын тоо 12 мянга болж цөөрсөн гэдгийг бататгасан аж. АНУ-ын удирдлага ийнхүү цэргийнхээ тоог цөөлж байгаа ч "Талибан" хөдөлгөөнтэй зарчмын тохиролцоонд хүрч чадаагүй гэдгийг "The New York Times" сонин онцолсон байна.
"Талибан" хөдөлгөөн нь Афганистанаас Америкийн цэргийг бүгдийг гаргахыг шаардаж байгаа юм. Ингэхдээ талибууд нь Америк, НАТО-ийн зэвсэг, санхүүгийн дэмжлэгээр оршин тогтнож байгаа Афганистаны одоогийн Засгийн газрыг бодит эрх мэдэлгүй, тоглоомынх гэж мэдэгдээд ямар нэг хэлэлцээ хийхээс эрс татгалзаж байгаа юм. Энэ бол Афганистанаас АНУ ба НАТО-ийн цэрэг гарч дуусмагц ээлжит иргэний дайн эхэлнэ гэсэн үг болохыг зарим шинжээчид анхааруулж байгаа.
Сэтгэгдэл (0)
Сэтгэгдэл бичигдээгүй байна