СИРИЙН 3 САЯ ДҮРВЭГЧДИЙГ ЕВРОП РУУ ОРУУЛНА ГЭЖ СҮРДҮҮЛЭВ

Туркт түр орогнол олсон Сирийн 3 сая гаруй дүрвэгсдийг нутаг руу нь буцаах төлөвлөгөөг нь дэмжээгүй тохиолдолд тэднийг Европ руу гарах боломж олгохоос өөр аргагүй болон гэсэн анхааруулгыг Туркийн Ерөнхийлөгч РежепТайипЭрдоган хийсэн тухай "Euronews" агентлаг мэдээлж байна. Эрдоган нь "Энхийн булаг" ажиллагаа, Орос ба АНУ-тай хийсэн тохиролцооны дагуу курдуудээс чөлөөлсөн Туркийн хилийн дагуух Сирийн нутаг дээр цагаачдыг нүүлгэн шилжүүлэх төлөвлөгөөтэй байгаа аж.

Тэрээр "Хэрэв алан хядагч энэхүү 30 км-ийн бүсийн дотор ба гаднаас дайралт хийх аваас бид шаардлагатай бүхнийг хийж, тэднийг мөрдөн хөөх болно. Мөн манай улсад амьдарч байгаа 3,6 сая сири дүрвэгчдээс 1-2 саяыг нь нутаг буцаах тухай манай төлөвлөгөөг дэмжээгүй тохиолдолд тэдний өмнө үүдээ нээн Европ руу гарах боломж олгохоос өөр арга байхгүй болно" гэж мэдэгджээ.

Туркийн хүсээд байгаа аюулгүйн бүс нь Турктэй хиллэдэг Сирийн нутаг дээр, Туркийн хилээс 30 км-ийн гүнтэй, хилийн дагуу 460 км урттай байх ёстой аж.