Испанийн Каталон мужийн төв Барселон хотноо тус мужийг тусгаар улс болгохыг дэмжигчид ба цагдаа нарын хооронд ээлжит мөргөлдөөн болж, 44 хүн гэмтсэн тухай мужийн эмнэлгийн албаныхан сэтгүүлчдэд мэдээлжээ. Бямба гарагийн орой 350 мянган хүн оролцсон жагсаал болсны дараа нь хэт радикал үзэлт 10 мянга орчим нь хүн Барселон хотын цагдаагийн газрын хажууд эсэргүүцлийн жагсаал хийжээ. Эдгээр хүмүүс цагдаа нар руу лонх, чулуу шидэлж, ойролцоох хогийн цэгүүдийн шатааж эхэлсний дараа цагдаа нар арга буюу хүч хэрэглэсэн байна. Ингэж хүч хэрэглэх явцад 44 хүн гэмтэж, 3 хүн баривчлагдсан аж.
Үүнээс өмнө буюу аравдугаар сарын 14-нд Каталон мужийг Испаниас салан тусгаарлах бүх нийтийн санал асуулга явуулсан хүмүүст Испанийн шүүхээд хатуу ял оноосныг эсэргүүцсэн жагсаалд 500 мянган оролцож, цагдаа нартай ширүүн мөргөлдөөн үүсгэсэн. Үүний улмаас зуу гаруй хүн гэмтэж, олон сая еврогийн хохирол учраад байсан юм.
Сэтгэгдэл (0)
Сэтгэгдэл бичигдээгүй байна