Арваннэгдүгээр сарын 21-нд Өмнөд Хятадын тэнгист тротилын адилтгах хэмжээгээр 20 килотонн хүртэлх хүчтэй дэлбэрэлт болсон тухай "halturnerradioshow.com" сайт Дэлхийн далай тэнгисийн мониторингийн албаны мэдээллийг иш татан мэдээлсэн байна. Дэлбэрэлт ойролцоогоор 50 м-ийн гүнд болсон аж. Дэлбэрэлтийн дараагаар эх газрын Хятадын эрэг орчим ба Тайван арал дээрх цацраг идэвхийн түвшин нэмэгдсэнийг мониторингийн алба бүртгэн авчээ.
Дэлбэрэлтийн улмаас маш хүчтэй цохилтын долгион үүссэнийг мониторингийн албаны мэдрэгчид бүртгэн авсан. Гэхдээ бүс нутагт үйл ажиллагаа явуулдаг геологийн албанаас Өмнөд Хятадын тэнгисийн орчим газар хөдлөлт огт болоогүй гэж мэдээлсэн байна.
Иймд зарим мэдээллийн хэрэгсэл нь тус бүс нутагт тогтмол эргүүл хийдэг АНУ-ын Тэнгисийн цэргийн цөмийн шумбагчууд дээр дэлбэрэлт болсон байх магадлалтай гэж мэдэгджээ. Гэвч цөмийн шумбагч дээр, тэр тусам АНУ-ын Тэнгисийн цэргийн цөмийн шумбагч дээр дэлбэрэлт болсон гэх нотлох баримт хангалтгүй байгааг шинжээчид онцолжээ.
Сэтгэгдэл (0)
Сэтгэгдэл бичигдээгүй байна