Малайзын Эрчим хүч, шинжлэх ухаан, хүрээн буй орчин ба цаг агаарын өөрчлөлтийн яамнаас Их Британиас ирээд байсан хуванцар хаягдал бүхий 42 контейнерыг буцаан явуулах болсон тухай албан ёсоор мэдээлсэн байна. Хуванцар хаягдал бүхий эдгээр контейнерыг 2018 оны гуравдугаар сараас 2019 оны гуравдугаар сарын хооронд Малайзын Пинанг боомт руу ямар ч дагалдах бичиг баримтгүйгээр явуулсан байсныг ийнхүү нутаг буцаахаар болжээ. Малайзын Эрчим хүч, шинжлэх ухаан, хүрээн буй орчин ба цаг агаарын өөрчлөлтийн сайд Ео Бин Инь нь Их Британитай хуванцар хаягдлыг нь буцаан явуулах талаар тохиролцсон нь энэ асуудал бүх улс орнуудын хамтын оролцоо шаардсан глобал түвшний асуудал болж хувирсан гэдгийг харуулж байна гэсэн байна. Мөн өндөр хөгжилтэй орнууд байгаль орчныг бохирдуулагч хуванцар хаягдал бүхий контейнерыг хогийн цэг рүү явуулж байгаатай адил хөгжиж байгаа орнууд руу явуулсан хэвээр байгаа тул тэд цаашид Малайз ба Их Британийн хамтын ажиллагааг үлгэр жишээ болгоно гэж найдаж байгаагаа илэрхийлжээ. Малайз нь энэ оны тавдугаар сард АНУ, Япон, Канад зэрэг өндөр хөгжилтэй орнуудаас ирсэн 450 тонн янз бүрийн хаягдлыг бүгдийг нь нутаг буцаана гэж мэдэгдээд байснаа ийнхүү хэрэгжүүлж эхэлж байгаа бололтой.
Сэтгэгдэл (0)
Сэтгэгдэл бичигдээгүй байна