2020/07/02
USD 2,811

Хятадын хойд нутагт цасан дээр зурвас бичдэг бизнес дэлгэрчээ

Н.Мичидмаа
2019/11/27

Цас орсны дараа дээр нь өөрийн нэр, талархал бичих нь ердийн үзэгдэл. Гэвч интернэт арилжааны эрчимтэй хөгжиж байгаагийн нөлөөгөөр Хятадад цасан дээр зурвас бичихийг муугүй ашигтай бизнес болон хувираад байгаа тухай "Жэньминь жибао" онлайн мэдээлсэн байна. Хятадын хойд нутгийн оршин суугчид нь цас бараг харж байгаагүй өмнөд нутгийн хүмүүсийн захиалгаар цасан дээр янз бүрийн зурвас бичдэг бизнес эрхэлдэг болжээ. Бичлэгийн маягаас хамаараад нэг ханз цасан дээр бичихэд дунджаар 2 юанийн үнэтэй байгаа аж. Саяхан Хятадын хойд нутагт хүйтний эрч чангар цас ихээр орсон бөгөөд үүнийг дагаад энэ бизнесийг эрхэлдэг хүмүүс муугүй орлоготой байгаа гэж байна. Тэд интернэт худалдаан дээр саналаа байршуулан захиалга аваад бичих зурвасыг хүлээн авсны дараа цасан дээр хүссэн зүйлийг тохиролцсон хэмжээний дагуу бичээд фото зургийг нь авч баталгаажуулаад мөнгөө авдаг гэж байна. Дийлэнх захиалагчид хайр сэтгэлээ илэрхийлж эсвэл талархал дэвшүүлдэг гэж цасан дээр бичигчид ярьжээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна