2020/08/13
USD 2,811

ОХУ нь Туркт С-400 системийг нийлүүлж дуусав

З.Гантулга
2020/07/29

ОХУ нь Туркт С-400 агаарын дайралтаас хамгаалах систем нийлүүлэх гэрээний эхний хэсгийг хугацаанаас нь өмнө биелүүлж дууссан тухай “Ростех” компанийн захирал нь Ерөнхийлөгч Путинд илтгэсэн байна. “Ростех” –ийн тэргүүн С.Чемезов “Энэ бол НАТО-ийн гишүүн оронтой байгуулсан ийм төрлийн анхны гэрээ, гэрээний дүн 2,5 тэрбум доллар болсон. Одоо бид хоёр дах удаагийн нийлүүлэлт хийх боломжийг судалж байна” гэжээ.

Туркийг Оросоос С-400 авахад АНУ асар ихээр дургүйцсэн. АНУ нь  С-400-г систем нь F-35 гэх мэт хамгийн орчин үеийн онгоц, зэвсгийн талаарх мэдээллийг Орос руу сэм дамжуулж магадгүй гэсэн шалтгаанаар Туркийн эсрэг хориг арга хэмжээ авсан. Улмаар Туркийн худалдан аваад байсан F-35 онгоцыг нийлүүлэхээс татгалзсан юм. Үүний дараа Туркийн авах ёстой байсан найман ширхэг сөнөөгч онгоцыг АНУ-ын арми худалдан авчээ.

Турк нь АНУ ба түүний холбоотон улсуудыг тав дах үеийн F-35 Lightning II сөнөөгч онгоцоор хангах хөтөлбөрт идэвхтэй оролцож, нисгэгчийг бүхээг гэх мэт нэлээд чухал эд ангийг үйлдвэрлэн нийлүүлж байжээ. Харин одоо хориг арга хэмжээнд өртөн F-35 Lightning II-ийн хөтөлбөрөөс хасагдсан тул энэ хөтөлбөрт нэмэлт хөрөнгө оруулалт шаардлагатай болсон аж. Туркийн батлан хамгаалах аж үйлдвэрлэлийн салбарын тэргүүн Исмаил Демир хэлэхдээ Туркийн үйлдвэрлэгчдийг хассаны дараа F-35 онгоцны хөтөлбөрт нэмэлт 600 сая долларын хөрөнгө оруулалт шаардлагатай болсон нь нэгж онгоцны үнийг 7-9 сая доллароор нэмэгдүүлсэн гэжээ.


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
119.40.98.106 |   2020/07/29
Нөлөөгөө нэмэхэд цэргийн хүчин чадал чухал. Эргэн тойрны хэд нь бүү хэл бүх дэлхий эднийх хир чадавхитай вэ, зэр зэвсэг хир вэ гээд харж байдаг. Турк үхэн хатаад байгаа нь өөрсдийн зэвсэглэлийн үйлдвэртэй болохоор чармайж байна.
Хариулах
64.119.27.120 |   2020/07/29
ОРОС ТУРКЭД С400 Н ЭХНИЙ ЭЭЛЖЭЭ АЛЬ ДЭЭР ҮЕД НИЙЛҮҮЛЭЭД ДУУСЧИХСАН ШҮҮ ДЭЭ. ДАРААГИЙН ЭЭЛЖ НИЙЛҮҮЛЭХ АСУУДЛЫГ Л СУДЛАЖ БАЙГАА ЮМ. МЭДЭЭГЭЭ АНЗААРЧ БИЧЭЭЧЭЭ
Хариулах
182.160.34.96 |   2020/07/29
турк оросоос өөр хэнтэй байлдах гэж энэ олон зэвсэг авч мөнгөө үрдэг байнаа АНУ Турктэй хэзээч байлдахгүй, НАТО мөн адил Эдгээр улсууд ядуу буурай Сирия ливия йемен ирактай л байлдана Ирантай Хойд Солонгостой хүч үзэх маяг харуулсан боловч тэгэсгээд чимээ намддаг л байхгүй юу
Хариулах