Германы хүн амын 26 хувь нь цагаач гаралтай гэдгийг тус улсын Статистикийн албанаас өчигдөр гаргасан тайланд дурджээ. Тодруулбал, төрөх үедээ өөр улсын иргэншилтэй байсан 21,2 сая хүн 2019 оны сүүлээр Германы нутагт амьдарч байжээ. Эдгээр хүмүүсийн 65 хувь буюу 13,8 сая нь Европ тивийн аль бусад орноос гаралтай байсан бол 4,6 сая хүн нь Ази тивээс гаралтай хүмүүс байж. Африк гаралтай хүний тоо 1 сая байсан бол Өмнөд ба Хойд Америк, Австралиас гаралтай хүмүүс 600 мянга байжээ.
Германд хамгийн олон цагаачтай улс нь Турк болсон. Удаах байранд Польш, Орос гаралтай иргэд орсон байна.
Германд оршин сууж байгаа цагаач гаралтай 21,2 сая иргэний 11 сая буюу 52 хувь нь ХБНГУ-ын иргэн үлдсэн 10,1 сая нь өөр улсын харьяалалтай байжээ.
2019 онд Герман дах цагаач гаралтай иргэдийн тоо өмнөх жилийнхээс 400 мянгаар нэмэгдсэн нь 2011 оноос хойш ажиглагдаж байгаа хамгийн бага үзүүлэлт болсон байна.
Сэтгэгдэл (0)
Сэтгэгдэл бичигдээгүй байна