Францын бизнес сургуулийн нийгэм судлаач Монпелье Павло Блаватски нь улс орон дах авлигын хэмжээ нь засгийн газрынх нь гишүүдийн биеийн жингийн индекстэй холбоотойг нотолсон өвөрмөц судалгаа явуулжээ. Судалгаагаа “Economics of Transition and Institutional Change” сэтгүүлд хэвлэсэн байна.
Блаватски нь судалгаандаа сайд, дарга нарын фото зургийг хиймэл оюун ухааны сүлжээ ашиглан боловсруулжээ. Хиймэл оюун ухааныг хүний фото зургаар нь биеийн жингийн индексийг нь тодорхойлж сургасны дараагаар хуучин Зөвлөлтийн бүрэлдэхүүнд багтаж байсан 15 улсын 299 сайд нарын зургийг өгч анализ хийлгэсэн байна. Анализаар гарч ирсэн үзүүлэлтүүдийг “Transparency International”, Дэлхийн банк зэрэг байгууллагуудаас тухайн улс дах авлигын төсөөллийн түвшинд өгсөн үнэлгээтэй харьцуулжээ.
Ингэхэд хуучин Зөвлөлтийн Бүгд найрамдах улсууд дундаа авлигын түвшин хамгийн бага гэж үнэлэгдсэн Латви, Литва, Эстони, Гүрж гэсэн улсуудын Засгийн газрын биеийн жингийн индекс хамгийн бага байсан байна. Харин Туркменистан, Тажикистан, Узбекистан гэх мэт авлигын түвшин өндөр улс орнуудын сайд, дарга нарын биеийн жингийн индекс эрс өндөр гарч таарчээ.
Үүнээс үүдээд Блаватски нь “Сайд нарын биеийн жингийн дунд индекс нь дэлхийд хүлээн зөвшөөрөгдсөн авлигын төсөөллийн таван түвшинтэй өндөр хамааралтай байна. Далд хэлбэрээр явагддаг улс төрийн авлига нь улстөрчдийн фото зургаар дамжуулан шууд харагдаж байна гэж хэлж болно” гэсэн дүгнэлт хийжээ.
Түүнчлэн авлигын түвшин нь тухайн улсын сайд, дарга нарын биеийн жингийн индекстэй хамааралтай харуулсан жишээ болгож Армен улсыг дурджээ. Энэ улсад Серж Саргисяны “бүдүүн” Засгийн газрыг 2018 оны чимээгүй хувьсгалын дараагаар арай “гоолиг” Пашиняны сайд нар орлоход улс даяар авлигын хэмжээ ихээхэн багасаж байсныг онцолсон байна.
Сэтгэгдэл (0)
Сэтгэгдэл бичигдээгүй байна