Бээжин хотын захиргаанаас нийтийн эрүүл мэндтэй холбоотой чухал мэдээллийг албаныхны
зөвшөөрөлгүй түрүүлж мэдээлсэн “шүгэл үлээгч” эмч нарыг хамгаалах хуулийг баталсан байна. Шинэ
төрлийн коронавирусийн цар тахал анх Уханьд гарч эхлэхэд олон нийтэд анхааруулахыг оролдсон эмч
шийтгэл хүлээсэн хэргээс үүдэн энэ хуулийг баталсан аж.
Коронавирусийн аюулыг анх мэдсэн Ухань хотын төв эмнэлгийн нүдний мэргэшсэн эмч, 34 настай Ли
Вэнлян уг халдвараар нас барснаар Хятадын ард иргэд Засгийн газраа хүчтэй шүүмжилж байсан. Мөн
халдварын аюулыг анхааруулахыг оролдсон ч албаныхан түүнийг худал цуурхал тараасан хэргээр
шийтгэж байсан.Басхүү Ухань хотын өөр нэг эмч дарга нарынхаа зөвшөөрөлгүй халдварын талаар
бусадтай хэлэлцсэнээс болж шийтгүүлсэн тухай Хятадын хэвлэлд ч мэдээлсэн.
“Шүгэл үлээгч” эмч нарыг хамгаалах хууль Баасан гаригаас хүчин төгөлдөр хэрэгжиж эхлэнэ. Гэхдээ
санаатайгаар олон нийтийг сандаргах эрүүл мэндийн худал мэдээлэл тараавал шийтгэл хүлээх юм.
Энэ хуультай төстэй хуулийг өнгөрөгч наймдугаар сард Хятадын Шэньжээнд анх баталж байжээ.
Хятадын албаныхан коронавирусийн халдвар гарснаас хойш олон зуун хүнийг худал цуурхал тараасан
хэргээр мөрдөн шалгаж, баривчлан хорьсон юм.
°C
Сэтгэгдэл (3)