АНУ-д "Чингис хааны амьдрал ба өв” нэртэй үзэсгэлэн дэлгэгджээ

АНУ-ын Орегон мужийн Портленд хотод “Чингис хааны амьдрал ба өв” нэртэй үзэсгэлэн гарч байна.

Орегон мужийн шинжлэх ухаан, аж үйлдвэрийн музейгээс санаачлан дээрх үзэсгэлэнг зохион
байгуулж байгаа аж.
Үзэсгэлэнг нээхээс өмнө Монголын эрдэмтэд болон 13 дугаар зууны Монголын байлдан дагууллын
талаар дагнан судалдаг америк эрдэмтэд оролцсон байна.
Энэхүү үзэсгэлэн тал нутаг, Монголчуудын сэргэн мандалт, Торгоны зам, Чингис хааны дараах Монгол,
Өнөөгийн монгол гэсэн таван дэд сэдвээр гарч байгаа юм.
Чингис хааны тухай өгүүлэх энэхүү үзэсгэлэн аравдугаар сарын 24-нд нээлтээ хийсэн бөгөөд 2021 оны
хоёрдугаар сарын 15-ны өдөр хүртэл үргэлжилнэ.