Хятадад төрийн өмийг удирдах “China Huarong Asset Management Co” улсын компанийн захирлуудын зөвлөлийн дарга асан Лай Сяомин гэгчийн цаазаар авсан тухай Хятадын “Global Times” мэдээлсэн байна.
Лай Сяоминыг авлига авсан, албан тушаалаа хэтрүүлэн хэрэглэсэн, төсийн мөнгө завшсан ба хоёр эхнэр авсан гээд олон хэрэгт буруутган бүгдэд нь буруутайг нотолсон тул Тянжин хотын шүүхээс нэгдүгээр сарын 5-нд цаазаар авах ял оноосныг нь БНХАУ-ын Ардын дээд шүүх хүчин төгөлдөр хэвээр үлдээсэн тул ийнхүү ялыг гүйцэтэгсэнаж.
Талийгч нь 2008-2018 онуудад биечлэн болон зуучлагчдаар дамжуулан 1,79 тэрбум юанийн мөнгө, үнэт зүйлс авсан болохыг шүүхээс хөдөлшгүй баримтаар тогтоосон юм байна. Тэрээр төрийн төсөл дээр туслан гүйцэтгэгч томилох, санхүүжилт татах гэрээ байгуулах, албан тушаал ахих, өөр ажилд шилжих гэх мэт олон зүйл дээр авлига авдаг байжээ. Мөн эхнэртэй атлаа өөр эмэгтэйтэй хамтран амьдарч, хүүхэдтэй болсон байсан нь ялыг хүндрүүлэх бас нэг шалтгаан болсон байна.
Цаазаар авах ял оноосон шүүгч нь Лай Сяоминий авсан авлигын хэмжээг 1949 онд БНХАУ-ыг үүсгэн байгуулагдсанаас хойш илчлэгдсэн хамгийн том авлига гэж тодорхойлсон юм байна. Энэ их мөнгөний дийлэнхийг Хятадын төр эргүүлэн авч чаджээ.
Хятадын Ардын дээд шүүх ба Ардын дээд прокурорын газраас цаазаар авах ял оноо авлигын хэмжээг ил зарласан. Ингэснээр 3 сая юанийн авлига авсан хүнд шууд цаазаар авах ял оноодог юм байна гэдгийг Хятадад төдийгүй дэлхий даяар мэдэж авсан юм. Хятадад 2010 оныг хүртэл цаазаар авах ялыг гүйцэтгэхдээ галт зэвсэг ашигладаг байсан бол 2009 онд шүүхээс үхлийн тариа хийх нь арай хүнлэг гэж үзсэн тул дараа жилээс нь буудахаа больсон.
Мөн өнгөрсөн оны хоёрдугаар сараас цаазаар авах ялтай бас нэг зүйл анги нэмэгдсэн нь COVID-19-өөр өвдсөн гэдгээ санаатайгаар нуун далдалсан гэсэн зүйл анги юм.
°C
Сэтгэгдэл (16)