2021/07/29
USD 2,811

Баян орнуудыг вакцинжуулалтаа түр зогсоохыг уриалжээ

Н.Мичидмаа
2021/02/01

Дэлхийн эрүүл мэндийн байгууллагаас Их Британи болон бусад чинээлэг улс орнуудад хандан эхний шатанд хүн амаа бүгдийг корона вирусийн эсрэг вакцинжуулалтад хамруулахаас эхний ээлжит татгалзахыг уриалсан байна. Улмаар бүх нийтийн вакцинжуулалтаас татгалзахад үлдэх вакциныг бусад ядуу орнуудтай хуваалцахыг уриалав.  Энэ тухай ДЭМБ-ын албан ёсны төлөөлөгч МаргаретХаррис  мэдээлсэн юм. Тэрээр хэлэхдээ “Бид эрүүл мэндийн салбарын ажилтнууд ба корона вирусийн халдвар авах эрсдэл өндөртэй бүлгийн хүмүүсээ вакцинжуулж дууссан улс орнууд нь бусдадаа вакцин илүүчилнэ гэдгээ баталгаажуулах ёстой” гэжээ. 

 Ингэвэл ёс суртахуун болон эдийн засгийн үүднээс хамгийн зөв алхам болно гэдгийг Харрис  онцлоод улс орнуудын хувьд харилцаа холбоо сайн хөгжөөд байгаа учраас дан ганц өөрийн улсын иргэдээ вакцинжуулах нь алдаатай алхам болох тухай шинжлэх ухааны судалгаа олон гарах болсныг дурджээ.

 Тэгээд ч 2020 оны арваннэгдүгээр сард  G20 чуулга уулзалтын үеэр, дэлхий хамгийн чинээлэг гэгддэг эдгээр орнуудын төрийн тэргүүнүүд нь корона вирусийн эсрэг вакцин ба эм бэлдмэлийг дэлхий дахинаа шударгаар хуваарилах ажлыг санхүүжүүлэх үүргийг хүлээхэд бэлэн байгаагаа албан ёсоор мэдэгдэж байсан юм.