2021/03/05
USD 2,811

COVID-19-ийн эсрэг вакцинжуулалтын талаарх зарим төөрөгдлийг залруулжээ

Н.Мичидмаа
2021/02/05

Дэлхийн нийтээр корона вирусийн эсрэг бүх нийтийн вакцинжуулалт эхлүүлээд удаагүй байна. Иймд вакцинжуулалттай холбоотой янз бүрийн ташаа ойлголт нийгэмд түгж байна. Оросын дархлаа судлаач Владимир Болибок нь “Аргументы и факты” сониноор дамжуулан корона вирусийн эсрэг вакцинжуулалттай холбоотой зарим ташаа ойлголтуудыг залруулжээ. Эд бол Оросын “Спутник V”

1. COVID-19-өөр өвдөөд эдгэрсэн хүмүүст вакцин хийлгэх хэрэггүй гэдэг нь аюултай ташаа ойлголт. Учир нь, эдгэрэх явцад үүссэн эсрэг биетүүд нь хэсэг хугацааны дараа арилдаг тул давтан халдвар авах аюултай. Иймд COVID-19-өөр өөвдөөд эдгэрсэн ч вакцин хийлгэх хэрэгтэй.
2. Корона вирусийн эсрэг вакцин хийлгэхийн өмнө эсрэг биет ба шинж тэмдэггүй корона вирус байгаа эсэх шинжилгээ заавал өгөх ёстой гэдэг нь ташаа ойлголт.  Үнэн хэрэг дээрээ заавал өгөх шаардлагагүй юм байна. Хүний биед корона вирусийн эсрэг биет байгаа эсэх, шинж тэмдэггүй COVID-19 байгаа эсэх нь вакцин үйлчлэхэд саад болж чадахгүй, ийм үед вакцин хийлгэсэн ч хүний биед хор хүргэхгүй юм байна.
3. Өндөр настан болон архаг хууч өвчтэй хүмүүст корона вирусийн эсрэг вакцин хийж болохгүй гэдэг нь мөн л ташаа ойлголт. Харин ч эсрэгээр эдгээр бүлгийн хүмүүст вакцин хамгийн эхэнд хийх шаардлагатай гэхдээ, өвчний шинж тэмдэг суларсан үед хийх ёстой байдаг юм байна. Иймд архаг өвчтэй хүмүүс вакцин хийлгэхийн өмнө эмчид хандан зөвлөгөө авах хэрэгтэй. Жишээлбэл, чихрийн шижинтэй хүмүүс цусан дах чихрийн хэмжээг илүү анхааралтай хянах, багтраатай хүмүүс багтраа тайлагч бэлдмэлийнхээ хэрэглээг нэмэгдүүлэх, даралт ихтэй хүмүүс даралт буулгах нэмэлт эм бэлдмэл хэрэглэх гэх мэт.
4. Вакциныг анхны удаа хийсний дараа дархлаа буурч, халдвар авах эрсдэл өсдөг гэдэг нь мөн л ташаа ойлголт. Үнэн хэрэг дээрээ вакциныг эхний удаа хийлгэснээс хэд хоногийн дараа тухайн халдварын эсрэг дархлаа үүсдэг. Гэхдээ ийм дархлаа нь халдвар авахын эсрэг хангалттай үйлчилж чадахгүй байж магадгүй тул хоёр дах удаад тариулахын өмнө урьдчилан сэргийлэх арга хэмжээ авсан хэвээр байх ёстой юм байна. 
5. Вакцины хоёр дах тунг тариулсны дараа амна хаалт зүүх хэрэггүй гэдэг нь мөн л төөрөгдөл. Вакцинжуулагдсан хүн халдвар авбал өвчин хөнгөн эсвэл шинж тэмдэггүй хэлбэрээр өрнөх бөгөөд хүн өөрөө халдвар тараагч болж хувирдаг. Ийм учраас вакцины хоёр дах тунг хийлгэсэн ч олон нийтийн газар явахдаа амны хаалт заавал зүүх шаардлагатай.
6. Вакцин хийлгэсний дараа 45 хоног архи, согтууруулах ундаа ууж болохгүй гэдэг нь хэтрүүлэг. Вакцин ямар ч тохиолдолд үйлчилж, дархлаа тогтоно. Гэхдээ энэ хугацаанд архи, согтууруулах ундаа хэтрүүлэх уух нь элэг, нойр булчирхайтай холбоотой асуудал үүсгэх аюултай. Иймд вакцин хийлгэсний дараах хэд хоногт архи согтууруулах ундаа уухгүй, саунд суухгүй, хэт даарахгүй, хэт стрессээс зайлсхийх хэрэгтэй юм байна.
7. Вакцин хийлгэсний дараа халуурвал халуун бууруулах эм ууж болохгүй гэдэг нь мөн л төөрөгдөл. Вирус нэвтэрсэн үед хүн халуурч хариу үзүүлэх нь хэвийн үзэгдэл тул халуурвал халуун бууруулагч ууж болно.
8. Мутацид орж өөрчлөгдсөн корона вируст вакцин үйлчилдэггүй гэдэг нь төөрөгдөл. Одоо ашиглагдаж байгаа корона вирусийн эсрэг бэлдмэлүүд нь мутацид орж өөрчлөгдсөн корона вирусээс ч хамгаалдаг. Тухайн үед аденовирусийн эсрэг дархлаа тогтсон байлаа ч вакцин хийлгэхэд үйлчилдэг. Ийм ч учраас хүнд 26 ба 5-р сероварын аденовирус бүхий хоёр удаагийн тарилга хийж баталгаажуулдаг аж.