Дэлхий даяар аль болох богино хугацаанд цар талхыг хумихын төлөө шаардлагатай гэсэн бүх л арга хэмжээг авч байгаа. Өрнөдийн орнууд гэхэд Оросыг гурван сарын өмнө “Спутник V” вакцинаа бүртгүүллээ гэсэн сургаар бүгд дуу мэдэн муулж байсан бол одоо өөрсдийн вакцин хүсэж байсан шиг хангалттай үр дүнтэй байж чадаагүй учраас одоо энэ вакциныг үйлдвэрлэн иргэддээ хийхээр тэсэн ядан хүлээж байна. Анагаах ухааны салбартаа дэлхийд тэргүүлэгч гэж тооцогддог “The Lancet” сэтгүүлд Оросыг вакцин маш найдвартай, өндөр үр дүнтэй нь батлагдсан тухай мэдээ гармагц байдал ингэж өөрчлөгдсөн. Тухайлбал, АНУ-ын халдварт өвчин судлалын гол мэргэжилтэн Энтони Фаучи нь Оросын вакцин үр дүнтэй болсон тухай мэдээ нь тун гайхалтай гэж магтсан. Германы Канцлер Ангела Меркель нь мөн энэ мэдээг сайн гэсэн бол Францын Ерөнхийлөгч Макронтүүнтэй санал нийлж байгаагаа мэдэгдсэн.
Гэвч зарим нэг улсад зарчим ард иргэдийнх нь эрүүл мэндээс хавьгүй илүү чухал гэж үзжээ.
Тодруулбал, Украйны Ерөнхийлөгч Зеленский нь “Оросын вакцин үнэхээр үр дүнтэй гэдгийг ДЭМБ болон дэлхийн толгой шинжээчид батлаагүй болохоор Украйны ард түмэн дээр туулай шиг туршилт хийлгэхийг зөвшөөрөхгүй” гэж мэдэгдээд ямар ч тохиолдолд худалдаж авахгүй гэжээ. Мөн түншлэлийн гэрээтэй улс орнуудад хандаж, тэдний хэрэглэж байгаа өрнөдөд боловсруулсан вакцинаас ойрын хугацаанд илүүчлэхийг гуйсан байна. Ингэж ойрын хугацаанд илүүчлэхгүй бол зарим тооцоогоор Украйн нь өрнөдөд үйлдвэрлэсэн вакциныг худалдан авч, иргэдээ вакцинжуулах боломжтой хугацаа нь энэ оны намар эсвэл бүр дараа жил болж магадгүй байгаа аж.
Украйн нь Крымийн хойг ба Донбассын салан тусгаарлагч мужуудаас болоод Оростой бүх талын харилцаагаа бүрэн таслаад байгаа. Жишээлбэл, Оросоос шатдаг хийг нь худалдаж авахгүй гэж мэдэгдээд Чехээс шатдаг хий авч байгаа. Оросоос цахилгаан авахгүй гэж цахилгааны хомсдол гарахад Беларусаас цахилгаан авч байгаа. Орос ба тэдний дэмждэг салан тусгаарлагч Донбассаас нүүрс авахгүй гэж АНУ, Африкаас нүүрсээ өндөр үнээр худалдан авч байгаа. Хэдхэн хоногийн өмнө цөмийн цахилгаан станцдаа Оросын уран ашиглахгүй гээд Америкийн компанийн бэлдсэн цөмийн түлш ашиглахаар нэг мөр шийдсэнээ зарласан.
Энэ мэтээр Оросын гэсэн юм болгоноос зарчмын хувьд татгалзаж байгаа цор ганц улс нь Украйн юм.
°C
Сэтгэгдэл (6)