Гүржийн экс Ерөнхийлөгч Михаил Саакашвили нь өчигдөр “Facebook” хуудсаараа дамжуулан Гүржийн иргэдэд хандан Засгийн газрын бүх шийдвэрийг эсэргүүцсэн иргэний эсэргүүцлийн арга хэмжээг орон даяар явуулахыг уриалсан байна. Гүржийн Засгийн газар 2020 оны арваннэгдүгээр сарын сүүлээс орон даяараа хөл хорионы хатуу дэглэм тогтоон мөрдөж байгаа юм. Үүнийг эсэргүүцсэн жагсаал хоёрдугаар сарын 6-н ба 7-нд болсны дараа Саакашвили ийнхүү ард түмэндээ ханджээ. Тэрээр “Гүржид бүр том цар хүрээтэй хийх ёстой зүйлийн анхны хараацай бол иргэний эсэргүүцлийн арга хэмжээ юм. Энэ төрийн эсрэг үл дагасан, эсэргүүцсэн арга хэмжээ явуулах нь бидний эрх төдийгүй үүрэг байх ёстой” гэж мэдэгджээ. Жагсагчид шөнийн цагаар олноор цугларч амрахыг эрхээ сэргээхийг шаардаж байсан аж. Гүржийн одоогийн эрх баригчид Саакашивилид нь Ерөнхийлөгчийн алба хашиж байхдаа эрх мэдлээ хэтрүүлэн ашигласан гэж гурван жил хорих ял эчнээгээр ногдуулсан бөгөөд Гүржийн нутагт хөл тавивал баривчлан, ялыг биеэр эдлүүлэх ёстой юм.Интерполоор эрэн сурвалжилж баривчилж болох ч Гүржийн гол холбоотон гэгддэг АНУ нь Саакашвилидталтай тул ийнхүү эрэн сурвалжлах, дайчлан баривчлах идэвхтэй арга хэмжээ авч чаддаггүй аж.
Сэтгэгдэл (0)
Сэтгэгдэл бичигдээгүй байна