Польшийн оршин суугч Томаш Коменда гэгч нь хилсээр шоронд 18 жил суусныхаа төлөө 13 сая злот буюу ойролцоогоор 3,5 сая долларын нөхөн төлбөр авах болсон тухай “RMF FM” мэдээлсэн байна. Одоогоос 18 жилийн өмнө Польшийн жижиг хотод 15 настай охиныг хүчирхийлэн, хүйтэнд гадаа орхин аминд нь хүрсэн аймшигт хэрэг гарсан байна. Энэ хэрэгт 23 настай Комендаг буруутай гэж үзээд 25 жил хорих ял оноосон байж. Гэтэл хэргийн талаар шинэ баримт гарч, нарийвчилсан шинжилгээ явуулснаар Комендагхүчирхийлсэн хэрэгт буруугүй гэж үзээд шоронгоос суллажээ.
Суллагдсан Коменда нь шүүхэд хандан хилсээр шоронд өнгөрүүлсэн жил бүрийг 1 сая злотоор үнэлээд 18 сая злот нэхэмжилжээ. Ополе хотын тойргийн шүүх Комендгийннэхэмжлэлийг хаалттай хэлэлцээнд 12 сая 811 мянга 533 злотын нөхөн төлбөр авах ёстой гэж гэж шийдсэн байна.
Энэ зуур Польшийн хууль сахиулах байгууллагынхан идэвхтэй ажиллаж хөөрхий охины үхэлд буруутай хоёр хүнийг илчлэн шүүхэд өгч, шүүхээс тус бүрд нь 25 жил хорих ял оноосон байна.
°C
Сэтгэгдэл (2)