Өчигдөр төв талбайд 34 настай иргэн Э өөрийгөө шатааж, харамсалтайгаар амиа алдсан. Талийгаач нь Сүхбаатар дүүргийн 12 дугаар хорооны нутаг дэвсгэрт байрлах Содмонголын колонкоос 6000 төгрөгөөр 4 литр бензин авсан гэх мэдээлэл байна.
Талийгаач нь таван литрийн цэвэр усны саванд бензин хийсэн байсан нь тухайн үеийн мэдээллийн үеэр бичигдэн үлдсэн байдаг. ШТС-уудыг аюулгүй байдлын үүднээс зориулалтын бус саванд бензин хийж худалдан борлуулахыг хориглодог. Гэтэл Сүхбаатар дүүргийн 12-р хороонд байх Содмонгол ШТС талийгаачид таван литрийн цэвэр усны саванд бензин хийж өгч, хариуцлагагүй үйлдэл гаргасан байж болзошгүй байна.
Мөн ШТС-ууд зориулалтын бус саванд бензин худалдан борлуулж буй эсэхийг ч шалгадаггүй, нүдэн балай, чихэн дүлий суух Нийслэлийн мэргэжлийн хяналтын газрын хариуцлагагүй үйлдэл ч үүнд хамаатай.
Төр, хувийн байгууллагын дээрх хайхрамжгүй, хариуцлагагүй үйлдлээс болж 34 настай эрэгтэй өөрийгөө шатаах бензинтэй болж, улмаар амиа егүүтгэсэн харамсалтай хэрэг гарах нөхцлийг бүрдүүлсэн байж болзошгүй байгаа юм.
Сэтгэгдэл (0)
Сэтгэгдэл бичигдээгүй байна