2021/03/05
USD 2,811

Хятадын удирдлага “BBC World News”-ыг хаасныг АНУ шүүмжлэв

Н.Мичидмаа
2021/02/12

Бээжингээс Британийн “BBC World News” сувгийг Хятадын нутагт цацахыг хориглосныг АНУ-ын Засгийн газар шүүмжилж байгаагаа мэдэгджээ. АНУ-ын Төрийн департаментын хэвлэлийн албаны дарга Нед Прайс “Бид “BBC World News” хаах тухай БНХАУ-ын шийдвэрийг эрс шийдэмгий шүүмжилж байна” гэж мэдэгджээ. Улмаар “Дэлхийн хамгийн өндөр хяналттай, хатуу хориг цээртэй бөгөөд хамгийн чөлөөт бус мэдээллийн орон зайн нэгийг БНХАУ дэмжиж байна. БНХАУ нь Хятад дах мэдээний байгууллага болон интернэт платформын эрх чөлөөг хязгаарлахын хэрээр Бээжин дэх удирдлагууд нь хилийн чанадад хэвлэл мэдээллийн байгууллага нээлттэй бөгөөд эрх чөлөөтэй ажиллах нөхцөлийг хуурамч мэдээлэл тараах зорилгоор ашиглаж байгаа нь түгшүүр төрүүлж байна. Бид БНХАУ болон ард иргэдээ авторитар байдлаар хянаж цагддаг бусад улс орнуудад хандан интернэт ашиглах эрх чөлөөг олгохыг уриалж байна. Хэвлэл мэдээллийн байгууллагууд эрх чөлөөтэй байх нь иргэд хоорондоо болон удирдагч нартайгаа үзэл бодлоо хуваалцаж байх гол түлхүүр, чухал эрх нь байдаг” гэсэн байна. 

БНХАУ-ын Үндэсний радио, телевизийн удирдах газраас “BBC World News” сувгийг үнэн бодит байдалд ба байр сууриа бусдад үл тулгах гэсэн зарчмыг зөрчсөн гэж үзээд дараа жил Хятадын нутагт эфирт гарах хүсэлтийг нь хүлээн авахаас татгалзсан. Үүнээс өмнөхөн Хятадын ГХЯ нь “BBC” сувгийг үнэнд үл нийцэх мэдээл тарааж, цар тахлыг улстөржүүлсэн гэж мэдэгдээд олны өмнө уучлал гуйхыг шаардаад байсан юм. “ВВС” нь нэгдүгээр сарын сүүлээр цацсан сурвалжилгаараа Хятадын удирдлагыг корона вирус өргөн тархаад байхад хяналттаа авсан гэж худал мэдээлсэн гэж зэмлэсэн. 

Ингээд зогсохгүй Британийн хэвлэл мэдээллийн салбарын зохицуулагч “Ofcom” нь англи хэл дээр цацагддаг Хятадын “CGTN” сувгийн Британийн нутагт гаргах лицензийг хурааж аваад байсан юм. “CGTN” сувгийн лицензийг эзэмшдэг “Star China Media Limited” компани нь сувгийнхаа редакцын бодлогыг хянадаггүй гэсэн үндэслэлээр лицензийг нь хурааж авчээ.


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
81.6.43.167 |   2021/02/13
Шилдэг бэлгийн болзоо сайтад тавтай морилно уу --- Hosset.Com
Хариулах