Шударга өрсөлдөөн, хэрэглэгчийн төлөө газраас авто машины "азын" дугааруудыг Төрийн үйлчилгээ, тэр дундаа хог тээвэрлэх автомашинд тавьж байхаар дуудлага худалдаанд оруулж, олсон мөнгөөрөө хүмүүнлэг, нийгмийн сайн сайхны үйлсэд зарцуулах хүсэлт гарган, холбогдох байгууллагад хандаж байсан.
Тэгвэл энэ дагуу дуудлага худалдаа өнөөдрөөс буюу 2021 оны 02 дугаар сарын 15-ны өдөр эхлэн 2021 оны 03 дугаар сарын 26-ны өдрийг хүртэл үргэлжилэхээр болжээ.
Дуудлага худалдаанд тавих дэнчингийн хэмжээ 50 мянган төгрөг байх аж. Оролцогчдыг дуудлага худалдаа явагдахаас 3 хоногийн өмнөөс хүлээн авч бүртгэн дэнчинг хүлээн авах бөгөөд дуудлага худалдаа явагдах өмнөх өдрийн 23 цаг 00 минутад бүртгэл хаагдах юм байна.
Хамгийн өндөр үнэ өгсөн оролцогч тухайн дуудлага худалдааны ялагч болох бөгөөд худалдан авсан улсын дугаарын үнийг 24 цагийн дотор төлж, “Улсын бүртгэлийн дугаар олгох гэрээ” байгуулснаар баталгаажах талаар АТҮТ-өөс мэдээллээд байна.
Тэгвэл автомашины азын дугаарын дуудлага худалдаанд автомашины нийт 10 дугаар оруулсан бөгөөд яг одоо 0001 УАР улсын дугаар дуудлага худалдаанд 426 сая төгрөгт хүрээд байна. Дуудлага худалдаа үргэлжилж байна.
Оролцогчдоос хоёр хүн нийтдээ таван сая төгрөгөөр мөнгөө төлж дугаараа авчээ.
°C
Сэтгэгдэл (90)