БНАСАУ нь төрийн хамгийн чухал баярын нэг болох Их удирдагч Ким Чен Ир-ийн төрсөн өдрийн тун даруухан тэмдэглэж байгаа тухай Өмнөд Солонгосын “Yonhap” агентлаг мэдээлсэн байна. Тус агентлагийн мэдээлж буйгаар Хойд Солонгосын намын төв хэвлэл болох “Нодон синмун” ба бусад сонин, сэтгүүлүүд Ким Чен Ир-ийн гавьяаг дурссан нийтлэл бичсэн ч олныг хамарсан жагсаал цуглаан, төрийн одоогийн тэргүүн Ким Жон Ун нь эцгийнхээ бунханд уламжлал болгож ёслон мөргөсөн талаар нэг үг дурдаагүй байгааг онцолжээ.
Үүнийг Хойд Солонгосын удирдлагууд корона вирусийн халдвар газар авахаас сэргийлэхийн тулд өргөн олныг хамарсан ёслолын арга хэмжээ хийхээс зайлсхийсэн гэж Өмнөд Солонгосын мэргэжилтнүүд дүгнэсэн байна.
Нэгдүгээр сард болсон намын хурал дээр Ким Жон Ун нь эдийн засгийг хөгжүүлэх өмнөх төлөвлөгөөг бүтэлгүйтсэн гэдгийг хүлээн зөвшөөрөөд зөвхөн өөрийн боломж хүч дээр тулгуурласан хөгжлийн таван жилийн шинэ төлөвлөгөөг ард түмэндээ танилцуулаад байсан юм.
Сэтгэгдэл (0)
Сэтгэгдэл бичигдээгүй байна