Японд ганц бие хүмүүсийг бүртгэж, тусламж үзүүлнэ

Японд ганц бие хүмүүсийг тогтоож, улмаар тэдэнд тухайлсан тусламж үзүүлэхийн тулд хүн амын тооллого хийх гэж байгаа тухай Ганцаардлын сайдаар томилогдсон Тэцуси Сакамото мэдэгдсэн байна. Сакамато нь Орон нутгийн хөгжлийн сайдаар ажиллаж байгаад ийм өвөрмөц яамыг хэдхэн хоногийн өмнөөс удирддаг болоод байгаа юм. Одоогоос ганц бие хүмүүсийг тоолж бүртгэдэг тусгай хэлтсийг Орон нутгийн хөгжлийн яамны дэргэд байгуулж, төсвийг батлуулах ба тооллого явуулах чиглэлийг батлуулах ажлыг хийх юм байна.

Ганцаардлын хэлтэс нь дан ганц гэр бүлгүй, гоонь хүмүүсийн асуудлаар хязгаарлагдахгүй, сэтгэл санааны ганцаардалтай тулгарсан хүмүүст тусламж үзүүлдэг болно гэжээ. 

Японд цар тахал түүнийг дагалдсан хөл хорионы улмаас амиа егүүтгэх тохиолдлын тоо сүүлийн 11 жилийн дээд хэмжээнд хүрч 2020 оны байдлаар 20 мянга 919 хүрсэн байна. Иймд Японы Засгийн газар нь ганц бие хүмүүсийн асуудлыг тусгайлан анхаарах яам байгуулахаар шийдээд байсан юм.