Засгийн газрын ХМОНХХ-ийн дарга Ц.Ганзориг: 14 байгууллагын зайлшгүй ажиллах ёстой байгууллагынхан 15 хувь хүртэл ажилчидаа ажиллуулна. Үүнээс гадна энэ 14 байгууллагад орохгүй буюу зорчих хөдөлгөөнд оролцох ёсгүй хөл хөдөлгөөн сахиж байх ёстой иргэд маань хуурамч ажлын үнэмлэх үзүүлэх, эсвэл дураараа хөдөлгөөнд оролцох ийм байдлыг үүсгэж байна. Бид 23-наас хойш энгийн амьдралдаа шилжихийн тулд Нэг өрх тус бүрийн нэг гишүүнээс шинжилгээ авах ажил 55 хувийн гүйцэтгэлтэй явж байна. Үлдсэн 6 хоногийн хугацаанд өдөрт дунджаар 30 мянган өрхөөс шинжилгээ авна гэж тооцож үзвэл 180 мянган өрхийн төлөөллөөс шинжилгээ авч энэ ажил дуусна. Шинжилгээний явцад 27 тохиолдол илрүүлсэн. Халдвартай, нууц үеэ мэдэлгүй өдөрт 50 иргэн хөдөлгөөнд оролцож байгаа гэсэн судалгаа бий. Тийм учраас энэ шинжилгээгээр бүх голомтыг хязгаарлаж, халдварын тархалтыг намжаахаар ажиллаж байгаа.